| گۆشهنیگایهك بۆ ههلبژاردنێن داهاتى |
|
|
| رضـا نایف |
| ههڤدهنگى و ئێك ههلویستییا گهلێ مه دڤان چهند سالێت بوریدا ئامرازێ ههره سهرهكى یێ پاراستنا دهستكهفت و بهرژهوهندیێن نیشتیمانى و موكومكرنا پله و پایه و هێزا كوردى بویه دگۆرهپانا سیاسیا عێراقێ و رۆژههلاتا ناڤین, كورد شیا ب ڤێ چهندێ ل عێراقا نوى رۆلهكێ كارا بگێریت و مافێت خو ییت رهوا دچارچوڤهیهكێ یاسایى و دهستوریدا رێكبێخیت و لایهنێت دژ نهچار بكهت ملكهجى خاست و ئیرادا گهلێ مه ببن,لێ ئهڤا بۆرى و بووى لئاست داخازیێت گهلێ مه نهبوویه و لقۆناغێت داهاتى پتر و دژوارتر ژ جاران دێ تووشى ركمانێت دوژمنكارانه یێت لایهنێت سیاسى ل عێراقى بین ,راسته دماوێ بوریدا ئهو رهوت و لایهن بهرامبهر بهرژهوهندیێت كوردى بێ دهنگ و بێ ههلوێست نهبووینه لێ ئێك ههلویستیا سهركردایهتیا مه و گهلێ مه تاكه چهكێ كارا بویه بۆ بهرسینگ گرتنا وان دوژمنكارییان...پرۆسا ههلبژاردنێت داهاتى بۆ گهلێ مه گرنگترین و چارهنڤیس سازترین پرۆسا ههلبژاردنایه,برهنگهكى كو دكاودانهكێ هوسا یى َههستیاردا سهنگ و هێزا ههر لایهنهكى ددارشتن و برێڤهبرنا سیاسهتا عێراقێدا دیاردكهت .دیاره دپرۆسێت بوریدا لایهنێ كوردى شیا رێژهیهكا بهرچاڤ و ژههژى بدهستڤه بینیت و ههبوونا خو برێكا بكارئینانا مافێ سیاسى و پهیرهوكرنا پرۆسێت دیموكراسى بۆ گهل و نهتهوێت ههرێمى و جیهانى بسهلمینیت.لێ لقۆناغێت داهاتى و ژ ئهنجامێ پهیدابوونا گهۆرینێت بلهز و ههبوونا ئازادییا پشكداریێ دچالاكیێت سیاسیدا ,زهمینه خوش بوویه كو ههر لایهنهك ب ئهوپهرى ئازادیڤه پشكداریێ دپرۆسا سیاسیدا بكهت وبشێت لگۆر سهنگا خو رێژهیهكێ ژ دهستههلاتێ بدهستڤه بینیت ,نهخاسمه ئهڤرۆ تێگهه و بنهمایێ تهوافوقێ وهكو پێدڤییهكێ بۆ برێڤهچوون و مهشا سیاسى ل عێراقێ بویه دیاردهیهكا زهق و بهرچاڤ و رهواجا خو ههیه.ئهڤ ئازادیا سیاسیا بهرچاڤا ئهڤرۆ بهرنامه و ئارمانجا گهلێ مه و رهوتێت دیموكراتخواز بویه,واته ئهڤ ئازادییه ژ ئهنجامێ رهنج و خهبات و قوربانیدانهكا زۆر دهستهبهر بوویه...لێ دهندهك بیاڤاندا ئهڤ ئازادییه ژى دبیته هۆكارێ پهیدا بوونا شك و گومانێ دپاشهرۆژا ههرێمێدا و چێدبیت ببیته ئهگهرێ لاواز بوونا هێزا كوردى ل بهغدا,دڤیا دڤێ قۆناغا ههستیاردا ئهڤ ئازادییه نهببایه هۆكارێ لێك ترازان و پشكداریا جودا یا چهند پارت و لایهنهكێن سیاسى دههلبژاردنێن جڤاتا نیشتیمانیا عێراقێدا ,ژبهركو هێزا بهرچاڤا لایهنێ كوردى د ئێك دهنگى و ئێك ههلویستیێ دایه و فهر بو پارت و لایهنێت سیاسى یێن ههرێمێ پێ لبهرژهوهندیێن بهرتهنگێن تایبهت و حزبایهتى ناباو بهرژهوهندیێت نهتهوایهتى بهرچاڤ وهرگرتبانه و ههول و بزاڤ ژبۆ پاراستنا دهستكهفتان هاتبانه تهرخانكرن .بههر حال خهمخوریا سهرۆكێ كوردستانێ و لههڤ جهماندنا نوینهرێت تهڤ پارت و لایهنێت سیاسى یێت كوردستانى د رینشتنا تایبهت یا رۆژا(22/10/2009)ژبۆ گهرهنتى كرنا ئێك دهنگییا كوردستانییان لدۆر بابهتێت چارهنڤیس ساز و لێك نێزیك كرنا بیر و رایان بۆ بهرسینگ گرتنا ههر مهترسیهكا پشتى ههلبژاردنان زیانێ لبهرژهوهندیێن نهتهوایهتى و نیشتیمانى ددهن ,پێنگاڤهكا دى یا زێرین یا جهنابێ سهرۆكى بوویه...چنكو لههلبژاردنێت بورى یێت جڤاتا نیشتیمانى عهرهبێت سوننه وهكو پێدڤى پشكدارى دههلبژاردناندا نهكر و ژئالیهكێ دن ڤه ئێك لیستى یا كوردان و پهیرهوكرنا شێوازێ لیستا داخراو هۆكارێت سهرهكى بون كو لایهنێ كوردى رێژا ههرهباش یا كورسیێت جڤاتێ بدهستڤه بینیت,لێ ئهڤجاره لایهنێ سوننى دێ بههمى هێزا خو پشكداره و ئهڤ چهنده ژى دههلبژاردنێت جڤاتێت پارێزگههێت عێراقێ یێن پارسال بهرچاڤ بو , ژئالیهكێ دیڤه پهیرهوكرنا شێوازێ لیستا ڤهكرى و دژایهتییا تهڤ ئالیێت عێراقى لدهمێ پهسندكرنا یاسایا ههلبژاردنان بۆ كێمكرنا كورسیێت ههرێمێ و رازیبونا لایهنێ كوردى لسهر وێ رێژا كێم یا كورسیان وههروهسا پهیدابوونا فرهلیستیێ ل ههرێما كوردستانێ ,چهند هۆكارهكن كو پێش بینى دهێته كرن كورد نهشێت رێژا خو ژجاران زێدهتر بكهت ,ئهڤه وى واتاى نادهت كو رهشبین بین بهرامبهر ئهنجامێت ههلبژاردنێن داهاتى لێ زهنگهكه بۆ هشیارى و سهرهدهرییهكا ژیرانه دگهل ههلبژاردنان و ئهركێ نیشتیمانى و نهتهوایهتییا ههر تاكهكییه ل ههرێما كوردستانێ ب پشكداریكرن دههلبژاردنێت داهاتیدا بهرهڤانیێ ژ دهستكهفتان بكهت ,ئهگهر دههلبژاردنێت ناڤخویێن ههرێما كوردستانێدا بهرنامێ كارێ پارت و لایهنێت پشكداردا پروپاگندا چاكسازى و بلندكرنا ئاستێ ژیار و خزمهتگوزارییان هاتبیته كرن ,ئهڤرۆ لسهر ئاستێ عێراقێ بهرنامێ كارێ مه پرۆژهیهكێ نهتهوایهتى و پاراستنا دهستكهفت و بهرژهوهندیێت نهتهوایهتى و نیشتیمانیه .نهخاسمه دوژمنێت ههڤسوى و لایهنێت عێراقى دتهڤدا كۆكن لسهرلاوازكرن و دۆرپێچدانا دهستههلاتا كوردى,بێ شك ههمى دوێ باوهرێدانه پرۆسا ههلبژاردنێت داهاتى ئێك ژ گرنگترین پرۆسایه و ئهنجامێت وێ چارهنڤیسێ سهنگا مه ل عێراقا پشتى ههلبژاردنان دهستنیشان دكهت...
|
 |
Share |
|
بهشدار |
|
|
|