ههڵبهت دهسههلاتا کوردستانێ، ڤی کارێ ب سهرئێش و ڤی دراڤێ مهزن خهرج ناکهت دا بیانیێن پیست سپی و رهش ببینیت یان ژی دا خوه فێری زمانێن وان بکهت. ههروهسا ئهو دهسههلات داخوازا چهک و دراڤی ژی ژ وان بیانیان ناکهت دا دهسههلات و دهسکهفتیێن خوه پێ ب پارێزیت. نه ژی هیچ داخوازیێن دی یێن ژ ڤی جۆری ژ وان مێڤانێن خوه دکهت. بهلکی چاڤهرێی وێ یهکێ دکهت دهما ئهو مێڤان ڤهگهرن وهلاتێن خوه، دهربارێ رهوشا کوردستانێ تنێ یهک پهیڤێ ب کاربینن و بێژنه دهولهت، حکومهت و رێکخراو یان ژی ب کێماتی دمالێن خوه دا بێژنه زارۆکێن خوه، ل کوردستانێ "ئازادی" ههیه.
لێ گهلهک جاران بهری مێڤانێن کوردستانێ بزڤرن مالێن خوه. دێ بینین مهلایهکێ کو هزار و چارسهد سالان ل پشت خوه دبینیت، لێ یهک مترێ ل بهر سینگێ خوه نابینیت، پێنگاڤهک هاڤێت و ئهو زهحمهت و ماندیبوون ب ئاڤێ دا بهردان. یهک ژ وان پێنگاڤان، گرتنا رۆژنامهڤانانه ل سهر کار و نڤیسێن وان. کو بهری چهند رۆژان تشتهکێ وهسا ل دهۆکێ روودا و هندهک مهلایان شکایهت ل ههلبهستڤان و سهرنڤیسکارێ رۆژنامهکێ کرن. ژبهر کو ب دیتنا وان وی رۆژنامهڤانی یان وێ رۆژنامێ سڤکاتی ب ئیسلامێ کرییه.
ههر چهنده وان دکاری ب نڤیسین بهرسڤێ بدهن و تشتێ وان ڤیابا ژی بلا گوتبا و ئهگهر وێ رۆژنامێ بهلاڤ نهکربا دا ئێکا دی بهلاڤکهت. الحمد لله چ ژ رۆژنامه و دهزگههێن راگههاندنێ مشهتر نینن ل وهلاتێ مه. ژ خوه وهکی مه زانی وان کهسان ل سهر منبهرێن مزگهفتان چ ددلێ خوه دا نههێلابوون.
لێ دیاره وان شکایهتکارێن نهزان شیانێن بهرسڤدانهکا مهدهنی نهبوون و هیچ ههست و هشیاری ژی ل دهف نهبوو. ئهڤجا دئهنجامدا ناڤێن دوو رۆژنامهڤانێن دی ژی ل سهر لیستێ زێده بوون و پشتی چهند ههیڤێن دی دێ راپۆرتا لێبۆردینا ناڤنهتهوی، رۆژنامهڤانێن بێسنوور و گهلهک رێکخراوێن دی دهرکهڤن و ناڤێن ڤان ههردوو رۆژنامهڤانان و کا دێ چهندێن دی هێنه گرتن و کوشتن ژی، دێ تێدا بن کو ب نهحهقی هاتینه گرتن یان کوشتن. ههر چاوهبیت تشتێ ههلبهستڤانی نڤیسی و هاتییه بهلاڤکرن نه راپۆرتهکا درهوان بوو، نه گۆتارهکا هێرشکرنێ. تنێ ههلبهستهک بوو.. نه منارهک نزمکر و نه گومبهتهک ئینا خوار!.
