كورد چیایه و لدور تێگههێن ئهفسانهیى كورد ئارى نه و دبنهكوكا خودا بو مللهتێن هند_ئورپى دزڤرنهڤه ( ل دور تیور وتێگههـ وڤهكولینێن زانایێن روسى دڤێت ل جهێ مللهتێن هند - ئوروپى كورد و ئوروپى بهێته دانان و دبێژن مروڤایهتى ژ زاگروزى وهشایه؟!) ئهڤ دهستپێكه ژى ل دهف مینورسكى بو دهما گوتى كورد ژ لایێ ئهنتروبولوجى و زمانى ونهتهوهیى ڤه دزڤرنهڤه سهر میدیا (ئهڤێژى بدیتنا مه دهردهسهریهك دروست كریه بو دیروكا كوردستانێ و چهند خو كوشتنهكا مهزنه ئهم دیروكا شانهدهر زهڤیا چهمى ونهمریكى ژبیر بكهین كو بتنێ دێ بینه میدى دیسان ئهڤ بیردوزه ژى كهفته بهر دربهكێ رهخنێ یێ مهزن؟!)،جوگرافى وكوتوارێ ئهڤى مللهتى تایبهتمهندیهك دایێ ئهگهر ئهم ههڤبهرى بكهین دگهل عهرهبێ بیابانى كو سروشتێ وى یێ جوگرافى كارتێكرنهكا بدیتنا مه نهرێنى كریه سهر وى كو ههر ئێك ژ سالوخهتێن زوو بسهرداچونێ و ركاتیێ وكێنداریێ و زڤریا بكارئینانا دهستههلاتێ بو ینه تایبهتمهندیێن وى و خێلێن عهرهبا لسهر دهمێ (نه تێگههشتنێ)ئهڤێ راستیێ دسهلمینن،ههلبهت ئهگهر ئهم بهحسێ كوتوارێ عهرهبا و كوردا بكهین دێ بێژین گهلهكا ژێك دووره رهنگه نه هێته ههڤبهرى كرن بو نمونه(لسهر دهمێ نافامیێ عهرهبا كچێن خو بساخى دئهردى رادكرن ههلبهت ئهڤه نمونهكا كلاسیكى یه و كوردا بهروڤاژى رێز لێ دگرت) وئهم دشێن بێژین ڤهبونهكا شارستانى دناف كوردا دا ههبو (بێ گومان لدور تێگههێ نها ) دیسان چێروك و حهیرانوك ولاڤژێن كوردا ئهڤێ راستیێ دیار دكهن و دوور نهبینن كو كورد لڤان دوماهیا بتایبهت لسهر دهمێ دهولهتا عوسمانى بهرهف ئالوزیێ (تعقید) ڤه چوینه و رهنگه ل گهلهك جها مروڤ هندهك كورد و عهرهبا ژێك جودا ناكهت.
پێغمبهرى (س) بنهكوكا ئهڤى ئاینى دارێشت بتایبهت ئهڤ ستونه هاته چوكلاندن پشتى كوچا مهزنا مهدینێ كرى دیاره لسهردهمێ وى ئیسلام برهنگهكێ بهرفرهه بهلاڤ نهببو و گێزگێزهك ژ لایێ لایهنگرا ڤه دهاته كرن كو دێ چاوا تیشكێن وى بو دهورو بهرا بهلاڤ كهن ،دیسان دیاره پێغمبهر(س) یێ مژوولى دانا ئێكهم بنهكوكا ستونێن ئیسلامێ بو دیسان ئهڤه رێخوشكرنهك بو ژ بو بهرفرههبونا ڤى ئاینى ،ئیسلامهتى وهكى ئایین زوریێ ل كهسێ ناكهت ببیته بوسلمان و پشتراسكهر ژى ههبونا كومهكا ئایاتا ژ قورئانا پیروز ژوان(لا اكراة في الدين قد تبين الرشد من الغي) دڤێ ئایهتێ دا دیاردبیت نابیتن كهسهك بزوورى ببیته بوسلمان و چ سهپاندن لسهر كهسێ نینه و لدوماهیێ باشى ونهباشیێن مروڤان دهێنه دیاركرن و تویێ ئازادى دیسان (فمن شاء فليؤمن و من شاء فليكفر) یێ بشێت بلا باوهریێ بینیت ئهڤهیه ئهو ستونێ ئیسلامهتى لسهر هاتیه دارێشتن ،ئهرێ ههلگرێن ئارمێن بهلاڤكهرێن ئیسلامهتیێ ئهف چهنده بهر چاڤ وهردگرت؟
بهرسڤا ڤێ پرسیارێ ببهلاڤكرنا ئاینى وكارێن وان دهێته دان.
پشتى پێغمبهرى(س) وهغهرا دوماهیكێ كرى،بریار هاته دان خهلیفه (ئهبو بهكر ئهلصهدیق) ببیته خهلیفێ بوسلمانا ههلبهت لڤینێن بهرفرههكرنا ئیسلامهتیێ لسهر دهمێ ئهڤى خهلیفهى نه هاتنه كرن دیسان چ پێنگاڤێن بهێزكرنێ بهرهف پێش نه هاتنه هاڤێتن ئهڤهژى ژبهر چهند ئهگهرا ژوان مژوول بونا خهلیفه ئهبو بهكر (س) ب ژنافبرنا (لڤینێن ڤهگهراندنێ - حركات الردة) تا سالا 13مشهختى پاشى دهما خهلیفه(عومهر كورێ خهتابى - س) خهلافهتا بوسلماننا وهرگرتى دهست هاڤێته بهربلاڤكرنا ئیسلامێ و بهرى كو ئهو بهرهف روژئاڤاى ڤه بچیت(كو ئمبهرتوریا رومانى یا بهێز لبهرامبهر بو) روژههلات كره ئارمانج كو دوى دهمیدا ئمبهرهتوریهتا ساسانى دهستههلاتا خو یا عاتفى وتام دایا بهربابى لسهر كوردستانا ههژارا سهپاند بو (ههڤالین ئهڤه ههر حالێ مهبو و دهما مروڤ دیروكێ دخوینیت بتنێ دێ تهپا لسهرێ خو دهت و هژینیت و گهلهك جارا پێنڤێسێ مروڤى نه ڤیت پهیڤا بنڤێسیت !!!!!)، ل ڤێره خهلیفه عومهر (س) بهركێن بهرفرههبونا ئیسلامێ دانه بهرێك ودهست هاڤێته دروست كرنا لهشكهرهكێ مهزن كو بسهركردایهتیا(سهعهد كورێ ئهبى وهقاصى) بو و هێدى هێدى بهرهف ئهردێ رهش (مهرهم ژى مهزوبوتامیا یه) ڤه هاتن دا ئاینێ ئیسلامێ بهلاڤ كهن و ئهڤه دهێته هژمارتن رێكا راستهوخو بو بهلاڤ كرنا ئیسلامێ و دخهلهكێن بهێت دا دێ ب هوورى هیێنه سهر .
رێكا نه راستهوخو:ههلبهت باهرا پتر ژ ژێدهرێن بهحسێ ئهڤى بابهتى دكهن بتنێ ئێك رویدان ڤهدگوهێزن ئهڤهژى كێم وكاسیهكێ ددهته بهر سینگێ ڤهكولهرا كو بشێن راستیا وى كوتوارى ڤهگوهێزن،دیاره كو هندهك كوردا ههر زووى باوهرى بئیسلامێ ئینایه بتایبهت لسهر دهمێ پێغمبهرى(س) كو كومهكا ژێدهرا بهحسێ ئهڤێ رودانێ دكهن،(جابان _گابان _كاڤان_گاوان دیاره ئهڤ ناڤه دزمانێ عهرهبیدا ب جابان هاتیه چنكوو پیتا گ دزمانێ عهرهبیدا نینه) ئهڤ ناڤه دهێته بهرچاڤێت مه وگوهێت مه ئاگهه ژێ دبیت گهلو ئهڤ گاڤانه كى یه؟ ئێك ژ سهحابێن پێغمبهرى (س)یه و بهحس لسهر دهێته كرن بناڤێ (ئهبى نهێیر)ههر وهكى كورێ وى (مهیمون )ژێ ڤهدگوهێزیت دیسان دگوتنێ (ئهبى بهێیر ئهلكوردى)ههلبهت ئهڤى كابراى كومهكا فهرمودا ژ پێغمبهرى ڤهگوهاستى نه بتایبهت دبوارێ نكاح وكاروبارێن دى دا،و لسهر دهمێ نها گورهكێ پیروز ل باژێركێ تكریتێ ههیه و دبێژن یێ ئێك ژ سهحابێن پێغمبهرى یه و بناڤێ (جاگیر ئهلكوردى) و وهسا دهێته بهحس كرن كو ئێك ژوان كهسایه ئهڤێ پشكدارى د بهلاڤكرنا ئیسلامێ دا كرى دهما هێرشا بوسلمانا هاتیه سهر دهڤهرا تكریت و رهنگه ل وێرێ هاتبیته كوشتن و هندهك نڤێسهرێن كهڤن ئهڤێ روودانێ ڤهدگوهێزن وهكى(ئهلهروى)،لێ دیاره ئهف ناڤه دبنهكوكا خودا هاتیه گوهرین دراستیا خودا ئهف ناڤه(گابان)بو و ئهڤهژى تشتهكێ دوور نینه و یا ئهم دزانین كو دهڤهرا مه یا چیایى یه و پێتڤى ب رێبهرهكى ههیه دا رێ وجهێن دروست نیشا وان بدهت لێ ل ڤێره پرسیارهك سهرههلددهت و دبێژیت( ئهرێ گاڤان چ بو مهرهم ژێ كارێ وى چ بو ئهرێ سهروك خێل بو یان فهیلهسوف ومروڤهكێ زانا و حهكیم بو یان ژى بازرگان بو ئهرێ بوچى نڤێسهرێن عهرهبا ئهڤه دیار نهكریه یان ههر گاڤانهكێ چێلاى بو ؟!!!).
چێروكا دوویێ ئهوه یا دیروكنڤێسێ كورد (شهرهفخانێ بهدلیسى) دپهرتوكا خودا (شهرفنامه) بو مه ڤهدگوهێزیت و دبێژیت:پشتى پێغمبهرى (س) پهیاما خو دایه سهركردێن جیهانێ(مهرهم ئهو جیهانا ل دهوروبهر)،ئوغزخان كو بابێ ترك و تهتهرا یه رابو بهنارتنا كهسهكێ كورد بناڤێ (بهغدوز) و وهسف دكهت( بكهسهكێ خودان روخسارهكێ كرێت وهكى عهفریتا و نهشرین ژ لایێ سهروچاڤا ڤه وتژى پرسك و.....!!!) ئهڤ برادهره چوو لایێ پێغمبهرى(س) دا كو باوهریا وى بخو بكێشیت وبێژیتێ ئهڤه مه باوهرى ئینا ،و لدهما پێغمبهر (س) بهرێ خو ددهتێ و دبێژیتێ :انت من یا قوم او عشیره (تو ژ چ خێل و بنهمالایێ؟) بهغدوز دبێژیت:ئهز كوردم پێغمبهر(س) دبێژیتێ (لا يوفق الله هذا الشعب للاتفاق بينهم ،و إلا لغلبوا على الأمم و اساؤوا إلى العالم) رامانا وێ (خودا ئێكگرتنێ دناف ڤى مللهتیدا دروست نهكهت ئهگهر دێ دهستێ خو دانه سهر مللهتا و نهخوشیێ بو جیهانێ ههمیێ چێكهن) ،لڤێره ئهڤ ریوایهته كهفته بهر رهخنهكا دیروكێ یا مهزن و كومهكا پرسیارا ژ بهدلیسى هاتنه كرن و تێدا ما بێ بهرسڤ ژوان:ئهرێ بهدلیسى ئهڤ روودانه ژ كێ ڤهگوهاستیه و ژێدهر وڤهگهروكێن وى چ نه ؟و ژلایهكێ دیڤه ئهو بخو یێ نزیكى روودانا نهبو ئهرێ ئهڤ چێروكه ژ كێ ڤهگوهاستى یه؟و دیسان ناڤێ بهغدووزى د چ ژێژهرێن دى دا نه هاتیه و چ پهرتوك بهحس ناكهن ئهرێ ئهڤ ناڤه ژ كێڤه هاتیه؟ دیسان ئوغزخانێ بابێ تورك و تهتهرا ل چاخێ پێنجێ مشهختى ژیایه و لسهر دهمێ پێغمبهرى(س) نهبو؟ ژ بهر كو ئهڤ پرسیاره ههمى دمینه بێ بهرسڤ(ئهم ڤێ ههمیێ ناكهینه تشتهكێ بێ بهرسڤ رهنگه ژێدهرهك ههبیت بهرسڤا ڤان پرسیارا بدهت لێ تا ئهڤرو مه نهبوینه) و بهدلیسى نه شیایه بهرسڤا وان بدهت ئهڤ چێروكه بچێروكهكا ئهفسانهیێ لقهلهم دهێته دان ،دیسان بهحسێ 11بازرگانێت دهڤهرا جهزیرێ دهێته كرن كو ئهوانا پهیوهندى ب پێغمبهرى(س)كریه ل دهما هاتن و چوون دكرن بو جهزیرا عهرهبى و ئهوان باوهرى پێ ئینایه و دهست هاڤێتیه بهلاڤكرنا ئیسلامێ ل كوردستانێ ،ئهڤه ههمى دهێنه هژمارتن وهكى رێین نهراستهوخو بو بهلاڤكرنا ئیسلامێ.
تێبینی: بو نێرینا ڤێ خهلهکێ و یێن بوری بهردهوام هوین دشێن سهرهدانا لینکێ رهنگا و رهنگ بکهن دناڤ مالپهریدا ، چاڤهرێی خهلهکا چوارێ بن ل دوو شهمبا بهێت .
