| بێگومان ئهڤ زهمینا لڤێ پارچا كوردستانێ بو مللهتێ كورد دورست بوى ب ههروه نههاتیه و كوردستان ب دوژمن و دوستڤه شاهدن كانێ جهگهرا چهند دایك و بابا سوتیه كانێ چهند گوندێت مه ژ ناڤ چوینه و ئهم بوینه سوتهمهنى بو خاكا خو حهتا ئهڤرو شیاین ڤێ دهڤهرێ تهنا راگرین. مللهتێ كورد لبورینا ڤێ مێژویا پر سهروهرى و قوربانى دان چ جارهكێ دهست دانههێلاینه بو دوژمنا و دوژمن تهنا لسهر خاكێ وى رونشتبیت، لسهرانسهرى ههر چوار پارچێت كوردستانێ كورد شانازیێ بڤێ پارچا ئازاد كریه، لناڤا ههمى مللهتا هندهك پیروزى ههنه پێدڤى یه پیروز بێنه راگرتن و ههر كهسێ زێدهگاڤى لسهر وان پیروزیا بكهت ڤێجا ب چ ناڤ بیت دێ كهڤیته ژێر نهفرهتا مللهتى، جهێ داخێ یه ئهڤرو ل كوردستانێ بزاڤا گوران كو خو ب نویخواز و مودێرن دهنه ناسین ئهڤرو ب شێوهیهكێ بهرچاڤ و بێ شهرمانه یێ زێدهگایێ لسهر پیروزیێت مه دكهت بناڤێ پروپاكندا ههلبژارتنا، لدهڤ مه ههمیا یا رون و ئاشكرایه پشتى ژناڤ چونا رژێما گور به گورا ێهدامى و ههڤپهیمانیا بهردهواما پارتى و ئێكهتى دوژمنێن مللهتێ مه بهردهوام چاڤێ وانا لوێ دهرفهتێ بو كو مللهتێ مه جارهكا دى دوبهرهكیێ لناڤبهرا وان پهیدا كهن بهلێ پشتى ئهو نهشیاین ب ههمى هێزا خو چهپهرێ ههڤپهیمانیێ ب لڤینن ئێكسهر ل دهمێ جودابونا نوشیروان مستهفاى ژ ئێكهتیێ و خو ب ئوپزسیون دایه ناسین ئهوان ئهڤ ههله ل دهست نهدا و برێكا ههمى ئورگانێت خو پشتهڤانێت ئوپوزسیونێ بون ل كوردستانێ بو مهرامێت خو یێت چهپهل و ئهڤ چهنده دهمێ ههڤپهیمانیا گوران دگهل حهدبا دیار بو، هندهك راستى ههنه ل گورێ پێتڤى یه بێنه گوتن بو رایا گشتى یا كوردستانى ئهوژى ئهوه دهمێ نهوشێروان لناڤ ئێكهتیێ بو بهرژهوهندا گشتى چ كریه؟ ئهرێ دهركهفتنا نهوشێروانى ژ ناڤ ئێكهتیێ نهژ ئهنجامێ نهرازیبونا ناڤبرى بو ب ههڤپهیمانیا پارتى و ئێكهتیێ؟ بوچى بهرسڤا ڤان پسیارا نادهت؟ براستى ئهڤ دوژمنكاریا بزاڤا گوران ئهڤرو دكهت دگهل دهستههلاتا حكومهتا ههرێمێ مروڤى حێبهتى دكهت ب تایبهت هێشتا ئهمێت د عیراقهكا تهرا و بهرادا و دهستور هێشتا نههاتیه چهسپاندن و روژانه كریارێت تیرورستى یێت تێنه ئهنجام دان و هێزێت بیانى دناڤدانه.
ئهرێ ئوپزسیونێ ئهڤ چهنده ههمى لبهر چاڤ گرتیه بو بهرژهوهندا بلندا مللهتێ كورد؟! ئهرێ ئهڤ بزاڤه دێ مللهتێ مه و عیراقێ ههمیێ ب دهولهتهكا پێشكهفتى و مودێرن بهراورد كهت؟ ئهرێ ئهگهر ئهڤ كهسێت بڤى چاڤى ل باب و برا و خهلكێ مه دنێرن كو پێشمهرگه بون یان ههڤپهیمانیێ دگهل سهرهكیترین دوژمنێ مه دكهن كو حهدبایه سبه بێنه سهر دهستههلاتێ یان ببنه نوێنهرێت مه وى دهمى دێ چارهنڤیسێ مللهتێ مه چ بیت یان موچێ ب هزاران ئهنفالكرى و شههیدێت مه یێت رێیا رزگارى خوازا كوردستانێ چلێ هێن! پێ نهڤێت ئهڤ بزاڤه دێ بێژنه مه هین كورێت میلیشا بون و خو بو دهستههلاتهكا نه شهرعى یێ دایه كوشتن؟ براستى ئهڤه ههمى جهێ پسیارێ نه. ب تایبهتى پشتى ڤێ بزاڤێ سوز و پهیمانێت خو دگهل لایهنگرێت خو شكاندین ل ههلبژاتنێن بورى و نهشیاین چ بو كهسێ بكهن بارا پترا وان زڤرینه جهێ خو و بتنێ بو پروپاكندا ههلبژارتنا بو. ب رهئیا من پێتڤى یه حكومهتا ههرێمێ خو لسهر سنور بهزاندنا گوران بێ دهنگ نهكهت و پێرابونێن یاساى وهربگرن ئهگهر پاشى دێ كهڤنه بهر خهزهبا مللهتى چونكه سنور بهزاندنا وان یا دگههیته سهر تاكێ كورد ژى نه بتنێ دهستههلاتێ. خهلكێ كوردستانێ باش د پیلان و نهخشهیێ گوران دگههیت، ل داویێ من دڤێت بێژم ئهم وهك كوره شههید و پێشمهرگه باشترین بهرسڤا مه بو گوران دهنگ دانه بو لیستا ههڤپهیمانى 372 و خو دور راگرتن ژ توند و تیژیێ بو بهرژهوهندا بلندا مللهتى.
|
