پاشان مه وهك خهلكێ ههرێما كوردستانێ ب سهربۆر ئهڤ چهند ب كریار بهرجهستهكریه و ب ههڤبهركرن دگهل جه و وارێن دیتر ل عیراقێ خوشى وبهرههمێ وێ ههمبێزكریه وڤێ ئارمى یا نوكه ل بهر بهحس ودیتنێ چهند گهورینێن مهزن ل تاكه كهسێ كورد كرى یه و چهند ژیان بهر ب پێش بریه وچهند كارتێكرنهكا ئهرێنى ل ئابورێ وهلاتى كریه.
ئهڤه ل لایهكى وههلبژارتن وئهڤ پێلا دیموكراتى یا نوكه ئهم چاڤهرێ ل لایهكێ دى كو بێگومان دێ ههڤ دوو ههمبێز بكهن وچهوا ئهڤ بنهرهتێ دیموكراتى دێ بیته دێ بیته شهنگستێ ب هێز وپیلاى یێ تهناكرنا وژدانا ههر كهسهكى دهمێ خو ل سهر سندوقا دهنگدانێ دبینیت ، چما ئهڤ تهناهى وئارمى یه ل وارێ مه بهربهلاڤه وچهوا ل جهێن دیتر هیڤى وئومێده دبیت برایێن مه خهونان پێڤه ب بینن وههمى خهم وژانێن وان بۆ بنهجه كرنا وێ دكێشن.
وهرن دا پێكڤه دهنگى ب ئارمى یێ بدهین ، دهنگى ب وى لایهنى بدهین یێ كار بۆ پهیداكرنا تهناهیێ وسهقامگیرى یا وێ ل وهلاتێ مه كرى ، ئاشكرایه كو ههموو رێبهر وسهركردێن دهستههلات ل ڤى وهلاتى ئانكو عیراقێ كرى ههر ژ پۆل برێمهر وجێى گارنهر وغازى عجیل یاوهر وعهلاوى وجهعفهرى وههتا مالكى ژى ویێن دیتر ژى خهما وان پهیداكرنا ئارامى یێ بویه ، لێ ب شێوازهكێ دیتر و ب شیانێن ناڤخو و ههتا بێ یى هاریكاریا لایهنێن دهرڤه ل كوردستانێ سهركهفتیانه ئهڤ ئهركه هاته ب جه ئینان ، ههر ژ پشتى سهرهلدانا پیرۆز وههتا نوكه ژى ئێك ژ سیمایێن ههره بهرز وبالا یێن وان حكومهتێن دهستههلات ل ههرێما كوردستانێ گێرایى پهیداكرنا ئارامى یێ یه.
دههمان دهم ژى دا ڤان حكومهتێن ئێك ل دووڤ ئێك كو د دهستێ ئهمینێ لایهنێن شۆرشگێر وخودى خهبات دا بوو ب باشترین شێوه ئهڤ كار وئهركێ نیشتیمانى ب جه ئینایه وئهو سهرپێچى ودهرزێن د هندهك دهم وجهان دا پهیدابوین دوور نینه ژ وان لایهن وسازى یان بن یان ب هاریكاریا وان بن ئهوێن ئهڤرۆ درروشمێن مهزن وگران ههلدگرن وراستیا زانستى ل بیر دهێت یێ ژههمووان ترسناك تر ژ ههمووان پتر درووشمێن مهزن دژى دیكتاتوریێ ههلدگریت ، وههلگرتنا بهرێ مهزن نیشانا نههاڤێتنێ یه مینا كهلتۆر دبێژیت وئهڤرۆ ژى رووندكێن تیمساحان بۆ رهوشا نوكه درژن ودرووشمێن نووكرن وپێشڤهبرنێ بهرز وبلند دكهن وههموو شیانان دكهنه ئێك بۆ خاپاندن ودسهردابرنێ.
وهرن دا دهنگى ب دهینه ئارامیێ ، وهرن دهنگى بدهینه پاراستنا پارێزهرێن ئارامى یێ ، وهرن دهنگى بدهینه وى لایهنێ بۆ دهمێ نوزده ساله ئارمى یا وهلاتێ مه پاراستى ، وهرن دهنگى بدهینه وى لایهنێ رێ نهدایى تیرور بكهڤیته جانێ خهلكێ مه ، وى لایهنێ یێ وارێ مه ژ گهفێن تێكدان وترسا چهكچهكوولێن تاى یێ پاراستى ، ئارامى یه ئاڤهدانكرنێ پهیدادكهت ئارامى یه بهرفرههیا ژیانێ پهیدادكهت ئارامى یه ئابۆرى بهێز دئێخیت ئارامى یه دهولهمهندیا جڤاكى پهیدادكهت ئارامى یه مافێن كهسان چ تاك چ كۆم دپارێزیت ئارامى یه خوشیان بۆ خهلكێ رهخ ودورێن خو ب دهست ڤه دئینیت ، وهرن وبێ ههستكرن ب شهرمێ دهنگى بدهینه دهستێ ئاڤهدانكرن وخوشكرنا ئابورێ كوردستانێ وپارێزڤانێن دهستكهفتێن كوردستانێ.
