|
ناڤێ چیایهکی یه ل زنجیرا چیایێ مهتینا
، دکهڤیته
هنداڤ هاڤینگهها سیلاڤێ ڕهوشا بههدینان
وجوانیه کا تایبهت ددهته
کهلها ئامێدیێ یادێرین ژلایێ ژووری
ههروهکی دڤێ بهندا سترانا (شاهینی) دا
هاتیه گوتن
ئهزێ ب ئامێدیکا رهنگین بێمو
یاب کهلا ته
لپشت دا بشێشه
ل بهردا وهڵاته
ژێدهرێ ئاڤا ئامێدیێ و سیلاڤێ و رویباری
یه ، ههروهکی ئهولیا چهلهبی
دپهرتوکا خو دا بڤی ڕهنگی بهحس کری ( ل
ناڤ کهلها ئامێدیێ دا ، دووژێدهرێن
مهزن یێن ئاڤێ ههنه یا ئێکێ سهروکانیا
مزویرکا نه ، ویا دووێ کانیا خاتونێ یه
، ئهڤ ههردوو ئاڤه ل بن چیایێ بشێشی
دهێنه دهر و ل بن پرا قوبههان تێکهل
دبن ) ئهڤ چهنده ل سالا (1665) ز
هاتیه بهحس کرن و ناڤێ چیایێ بشێشی
هاتیه گوتن . رۆژ ههلاتا چێآێێ بشێشی
گهلی یێ کانیا سنجێ دکهڤیت و چیایێن کیج
وبالولک وقولنگ ، باکورێ چیایێ بشێشی
بهرێ سیلێ یه جهێ سهیرانێت ئامێدیا ل
بهارا دیسان چیایێ ئهلهوی و کێریێ
ئامێدیێ ژوانا سهرێ ئامێدیێ وجاربی و
خهلاڤا وهکی دبهندهکا سترانا حهمکێ
داهاتی :
منێ چ سهیران نهدیت
ژسهیرانێت سهرێ بشێشی
مقابل (بهرێ سیلێ ) خوشتر
رۆژ ئاڤا چیایێ بشێشی گهلیێ مزویرکایه
دکهڤیت ، ئهوێ مهزنترین سهرههلدانا
ئامێدیێ لێ ههودای ل ههیڤا تهباخێ ل
سالا (1919) ز وهکی پارچه سترانهکا
کوردی دا هاتی یه :
مزویرکا خوش بهحهشته
یارکا من کهرامهته
بشێشێ بهر قیبلهته
یێ سبههیه و ههیبهته
پشتی من گهلهک پسیارکری دیاره ژ
(پێشکێش ) ناڤێ وی هاتیه وکورت بوویه
(بشێش ) . بلنداهیا چیایێ بشێشی ل سهر
لێڤا دهریایێ (2150) م یێ بلنده بشێش
چیایهکێ ب خهمل وجوانه ، جوانیا بشێشی
ب دول و نهال و کهڤرو بستی وزنارو
جهلختا و شکهفتا جوانیا خو دئینیته پێش
، یێ پر د ارێن بهری و مازی و دیندار و
کهزان و گوهیشک وکهلهک ڕهنگێن دی یێن
دارا ، جهێ ههمی ڕهنگێن پهنجارێن بهارێ
یه ژ گژ و گیا لێ شین دبن وهکی رێڤاس
وگهنگر و لیش و سوریاز وکڤارکا یه ، جهێ
حساردانا و مهخهلا پهزێن کیڤی یه کو چ
جار ژڤی چیایی خلاس نابن ، تهیرو تهوال
لێ د مشهنه وهکی تهیرێن بازی و
ئهلهوی وقورتا ژکهڤن دا جهێ ڕاڤ ونێچیرا
میرێن ئامێدیێ بو ههر وهکی دبهندهکا
سترانا زێمار یا خاجه ئالیخان بهگێ
داهاتیه گوتن :
هوین بێژنێ :-
ئهڤه کهکێ ته خاجه ئالیخان بهگه یێ
تێت و
ل ڕاڤ و نێچیرا
ل چیایێ بشێشی
ئهو کهسێ دڤێت بچیته نێجیرێ ل ڤی چیایی
بکهت دڤێت شارهزای یهکا باش ل چیایی
ههبیت ژ بهرکو گهلهک یێ ئاسێ یه
ودویر نینه ڕێک ل بهر مرۆڤی بهرزهبیت
، گهلهک شکهفت یێ ل ڤی چیایی ههین و
ڕێکهکا ب تنێ دجیته کوپیتکا چیایێ بشێشی
و سهرێ چیایی گوڕهک لێ ههیه نههاتیه
زانین کایێ کێ یه . چیاین بالوک وکیج و
بشێش و شێخ سهین و چارچهل ژجهێن
داستانێن پێشمهرگێن کوردستانێ و شوڕهش
وسهرههلدانێن گهلێ مهبووینه ،
نهمازه شوڕهشا ئیلونا مهزن و گولانا
پێشکهفتن خواز ههردهم وهکی کهوێن
کوردستانێ لێ قهبینه ودهنگێ تڤهنگ
وچهکێن وان لێ دهنگ ڤهدایه .
|
