|
عبدالرحمن
بامهرنى
ته دگوت:
ژ من شهپولێن ژیانێ بهلاڤ دبن
عهشق دبیته خهیال
چهند تو یا دخهوى و
ئهگهر بێژم
ئهڤ شهڤه دێ شیعرهكێ نڤیسم،
عهوران
شریقێنا بریسیان
بشێڤم شیعرێن خو
تهیر و تهوال
ههكو دفرن بو لیسێن خو
وێنهیێ چاڤێن ته راكێشم
عهسمان
روناهیا ستێرا و
ئهو شعرا هێژ نه هاتیه ڤێكدان..
ئهڤه توى هێژ یا د خهو
با، هێژ ڤیزێنا وى یا لبهر گوهێن من
یاریا بو خو ب پرچا من یا پایزى دكهت
بتنێ تو
ل بلنداهیا عهسمانان
كچهكا ئاشوپى و هێش دفرى
ل بلنداهیا عهسمانان
بو من روناهیا ستێران دگرى
هێژ ئهز چنارهكا لبهر تهحلاتیا هرو باى
و تویا دكهنى
خریقێنێن ته، مژویلانكێن ته رادكه ته رهقاسێ و
هێژ تویا دخهوى
شیعرا من یا ما یه نیڤهر و
بگههێ!
شهڤ ههر وهك ڤێ شهڤێ ناهێنه ڤه
و پهنجهرا ته هێژ یا گرتى با،
پهردهیا پهنجهرا ته نا لڤینیت و
تو هێژ یا لبایێ خهوێ
نه ههست بزهنگا موبایلا ته دكهم،
نه ب بێهنا موبایلا ته..
ئهزێ ل وێنهیان دگهرم
بویمه خازوك!
خوه دبینم ل رهخێن من شهڤه و
ل عهوران سیار
جار نزیكى سیتافكا ته دبم
گوهێ خوه دڤهچنم
تو یا ئاوازێن بلبلهكى دووباره دكهى
ڤولكانهكا ژ ته سهراڤ دبیت
ته دڤێت ب مانشێتێ سهرهكى
ب دهولهتێ من گونههبار بكهىته دڤێت
شعرا من یا هێژ نه بویه شعر
گورى شهپولێن خوه بكهى
لڤێره شهپولێن ته یێ ژ دایك دبن
لڤێره شهپولێن ته یێن بهلاڤبوین
كهڤنترین گوند
وارگههێ پێغهمبهران
چهند دیمهنێن من یێن شعرى
گورى ڤى وارگههى بون
هێژ مهمكێن وان نهبوینه بشكوژ
هێژ لێڤێن وان فێرى سوراتیا مكیاجى نهبوین
هیزارا بویكینێ
بویه شوین پێن حێشترا ووو
تو هێژ یا دخهونێن دهولهتبونێ دا
فیتیا ڤهدهى
چاڤێن ته تژى نوقولیسكێن خهوێ نه و
لبهر سهما یا خوه كوشتنێ
دبێژى نوش
كورسیكان، خهونێن ته یێن داعویراین
یا خوه ب سهر داداى
تو یا كریه بهرپهرهكێ
بێ هوش و پوش
بهێله د جوانیا ته دا
شعرا خوه یا نیڤه رو
ب مكیاجێ دهولهتبونێ بخهملینم
خهونێن جوانێن ژ شعرا من ڤهرهسیایى
بكهمه پهیكهر و
پهیكهرێ هێژ ب دهوسا پێن حێشتران ڤه سهمایێ دكهت
پهیكهرێ بهرهبابێن
ژ بهرێ چیایێن من پهشین و
ماینه ڤه تهماشهڤان
چاڤێن وان هێژ دزل
ههر ژ بهرێ وى بهرهبابى
نوكه وێنێن شعران د هنگێڤن و
هێژ شعرا من یا نیڤهرو و خهونێن وێ
نه بوینه
سهرچهمك و بهرچهمك
وێنهیێن ل سهر وێنهیان دبنه تهخه
هێژ نوقولیسكێن خهوێ
چاڤێن ته بهرنهداین
دیسان ته دڤێت
ب دهولهتبونێ من گونههبار بكهى
تو یا دبیه دهولهت و
هیزارا دهولهتبونێ یا ل سهر چاڤێن ته..
| 