|
عبدالله دهروێـش لاسلكى
دهمێ مه ههست ب ژیانێ كرى ،
مه دزانى ئهو جهێ ناڤێ بارزانى یێ لێ ئازاد با ، گهلێ
كوردستانێ یێ ئازادبوو و تاما سهربهخۆیا كوردستانێ ژێ دهات،
بهرۆڤاژى ئهو جهێ ناڤێ بارزانى یێ لێ قهچاغ با، مرۆڤى
دزانى كوردایهتى و ئازادى و وهلاتپارێزى ل وێرێ دقهچاغن،
ئانكو بارزانى و كوردستان دوو چهمكن چ جارا ژێكڤه نابن، و
ئهو ههردووك ناسناما نهتهوا كوردى نه، ئهڤ چهنده ب
كریار هاتیه سهلماندن و گهلهك كهسایهتیێن رامیارى و
دیروك نڤێسێن چهرخێ بیستێ ههمى شاهدن ل سهر ڤێ چهندێ .
د گهرمه گهرما دهستهلاتا
كومارا كوردستان ل مهابادێ و ل ژێر پهرچهما ئالایێ
كوردستانێ، سهرۆك ( مسعود بارزانى ) كورێ بارزانیێ باب ژ
دایك بوویه و ئێكهم ههناسا ههلكێشاى، بایهكێ ئازادێ
كوردستانێ بوو، كو ژ دهڤ ئالایێ پیرۆزێ كوردستانێ دیارى بو
هاتبوو و ژیان پێشكێش كر، ئێدى ئهڤ كهسه بو پشكهك ژ
شورهشا گهلێ مه.
چیایێن كوردستانێ و داستانێن
قههرهمانێن پێشمهرگهى خهبات و خوراگرى و رێبازا وى، گازى
دكهنێ سهرۆكى مه، چونكۆ دزانن ههبوونا ناڤێ وى خوشى و
تهناهى و ئازادى دگهل دایه و دزانن خودانهك و سهمیانهك
یێ ههى گهلهك پیته پێ ددهت.
زارۆكێن شههیدان ژى شانازیێ بخۆ
دكهن، چونكۆ ئهو مهزنترین پشتهڤان و هاریكارو سهمیانێ
وانه، دیرۆكا وهلاتێ مه ژى شانازیێ بخۆ دبهت، كۆ شیایه
كهسهكێ وهكى وى دناڤ خۆدا ههمبێز بكهت، ب شادهیا دوست و
دوژمنان ژ پێشچاڤ ترین كهساتییێن سهردهمه و ناڤداریا وى
وهكریه، ئاخفتنا وى كارتێكرن ل سهر ههمى پرسگرێكان ههبیت
ل ههمى دهڤهرێ.
بۆ من ژى شانازیهكا مهزنه، كو
وهكى پێشمهرگهیهك ههر ل دهستپێكا ژیانا پێشمهرگایهتیێ،
من شانازیا هندێ ههبوو، پێشمهرگهیهك بویمه دگهل رێبازا
وى دا و ل قوناغێن شورهشا ئهیلول و گولانێ و سهرهلدانێ و
تا ئهڤرۆ ژى، ههردهم یێ ئامادهمه ل سهر ڤێ رێبازێ گیانێ
خۆ ژى كهمه قوربان.
دهما ئهڤرۆ دبینم سهرۆكێ
كوردستانێ بۆیه ئێكهم سهرۆكێ ههرێمێ ب رێكا دهنگدانا
راستهوخۆ ب ههمى ئازادى خهلكێ كوردستانێ تۆ ههلبژارتى
داكو سهركێشیا كاروانێ گهلێ مه بكهى دڤێ قوناغا نازك دا
ههست ب شانازیهكا مهزن دكهم.
پیرۆزه ل مه ههمیا و پیرۆزه
ل گیانێ سهركردێن كوردێن شورهش دژى داگیر كهران كرین ..
پیرۆزه ل گیانێ ههمى شههیدێن كوردستانێ .. پیرۆزه ل ههمى
چیا و دول و نهالێن كوردستانێ .. پیرۆزه ل ههمى كوردان ل
ههمى جیهانێ.
2009/08/02
هاوینهههوارى پیرمام
|
