|
وهلاتی ژبیر نهکهن
گوڤهندا دهستێ نهزانا
ئهڤرو چ نهکهن
خودانێت کهر و بارا
خو لێ پشت رێ نهکهن
داڤێن راچاندی
نهیارا ئالوزاندی
ئهڤرو دووباره گهلو
دێ ههل نهکهن
پیش و پهلهخێ
ههوا بری
چئ ئاڤاهیا
پێ ئاڤا نهکهن
ئهو ماسیێن
گومادا دژین
کوشتنا تهڤای
گهل نهکهن
ئاڤاهیێ کهرب و کینا
بو کزوتهکا بێ دینا
ل سهر ئاخا من
هیڤی یه ئاڤا نهکهن
خابورێ گولی و سندیا
ژئهڤینا زاخوکێ
بێ رهوش نهکهن
خازر و گوملی
بهر مهقلوبی
ئهڤرو هشك نهکهن
هێلینا بهکورهی
دهنوکێ خو
کهڤره سوری
چێ کری
ئهڤرولێ
خراب نهکهن
ههیڤا شوباتێ
وهك سالێن
چوویی دوژمنا
پێ دل خوش
نهکهن
ل سهر خوینا
بێ دایك و بابا
ئهڤرو دوزهخێ
گهش نهکهن
روکچکێ شێروانی یا
روسورکێ بهرواری یا
ماسی گرێ نهێلی یا
روشینێ دوسکیا
مارکێ رێکانی یا
گهرماڤێن
دهوکا داسنیا
سپنێ بههدینا
ئهڤرو ل من و خو
شێلی نهکهن
خهرهگولێ نێروهیا
چوار چهلێ ههرکیا
گوڤهندێ مزویریا
هندرینێ بالهکیا
زهنگلێ بهرگارهیا
گولدانێت وان
ژباغێ ئازادیێ
ژبیر نهکهن
پیرس و شانهدهرێ
ژدیروکێ دا
وندا نهکهن
وهك دهروێشێ
دهفێ دقوتیت
کولان کولان
دگهریت خو
شاش نهکهن
بیرهوهریا و
شین و تازیا
وهك سهر خوشێ
مهی خانا خو تێدا
گێژ نهکهن |
