شه‌ڤه‌ڕۆک

هه‌ر ملله‌ته‌کێ فه‌رهه‌نگ و ره‌وشت و تیتالێن خوه‌ یێن تایبه‌ت هه‌نه‌ و پێ دهێنه‌ نیاسین و بڤان ره‌وشتا ناڤ وده‌نگێ خوه‌ ڤه‌دده‌ن لناڤ جڤاکێ مروفایه‌تیێ دا ، ل سه‌ر ده‌مێن که‌ڤن دا هه‌رکارێ دهاته‌ ئه‌نجام دان ب هێزا زه‌ند و باسکان بو و مروڤێ کورد گه‌له‌ك ره‌نجو ده‌رده‌سه‌ری دیت تاکو شیابا ژیانا خوه‌ یا رۆژانه‌ دابین کربا به‌لێ لسه‌ر ڤێ چه‌ندێ ژی ڕا مروڤێ کورد به‌رده‌وام د ململانێ دابو دگه‌ل ژیانێ و شیایه‌ ب هێزا زه‌ندێن خوه‌ لسه‌ر گه‌له‌ك کارێن سه‌خت و دژوار دا زال ببیت ، بارا بتر ژ وان کارێن دهاتنه‌ ئه‌نجام دان ب  کوم دهاتنه‌‌ کرن ئێك ژوان کارا ژی شه‌ڤه‌ڕۆک بو ل چاخێن دێرین دا بارا پتر ل وه‌رزێ پاییزێ به‌روبوم و به‌رهه‌مێ سالێ یێ خه‌لکێ دهاته‌ کوم کرن وه‌کو (  برنج وگه‌نم و مشتاخێن مێویژان و گویزا و که‌زان ....هتد ) که‌هێران و بژارتن و قوتانا ڤان پێتڤیا یێن رۆژانه‌ یێن ژیانێ پێتڤی ب وه‌ستیانه‌کا مه‌زن هه‌بو ئه‌گه‌ر مروڤه‌کێ ب تنێ ئه‌ڤ کاره‌ ئه‌نجام دا با و دا کو کار دده‌مه‌کێ کێم دا هاتبا کرن و هێژ وه‌رزێ زفستانێ نه‌گه‌هشتی و شولاژی  ده‌ست پێ نه‌کری دا هه‌ر ماله‌ك شه‌ڤه‌کێ ده‌ست نیشان که‌ت داکو خورتو‌ کچێن گوندی ل وێ مالێ خرڤه‌ ببان بو ئه‌نجام دانا کاری ، ئه‌ڤجا چ ئه‌ڤ کاره‌ هێرانا برنجی و گه‌نم و ده‌خلودانی با یان بژارتنا مێویژ و که‌زانا با یان قوتانا برنجی و دان هێرکی و ساڤاری با، ئه‌ڤ کچ و کوڕه‌ دا خوه‌ که‌نه‌‌ ده‌ستك هه‌ر هنده‌کا کاره‌ك دکر و ئه‌ڤ کاره‌ ژی نه‌ پاله‌تی بو ئانکو بێ به‌رامبه‌ر بو ئه‌ڤجا هنده‌ك دا ب دستارو گرکا هێرانێ که‌ن هنده‌ك دا ب جونی و میرکوتا برنجی و دانهێرکی و ساڤاری قوتن و هنده‌ك ژی دا مێویژو که‌زانا بژێرن لبه‌ر روناهیا هه‌یڤێ و ئاگری و فانوس و چراکا ، ده‌مێ شه‌ڤه‌ڕۆکێ ده‌ست پێ دکر هه‌ر ده‌ستکه‌کێ ئاواز و سترانێن گرێدایی ب کارێ خوه‌ ڤه‌ دگوتن و هنده‌کا ژی دڤه‌دگێڕان هنده‌ك جارا تا به‌ربه‌کێ سپێدێ ژی ئه‌ڤ کاره‌ یێ به‌رده‌وام بو ، ده‌مێ کارێ وان بدوماهیك دهات دا ده‌ست ب خوارن و ڤه‌خوارنا چایێ و خوشاڤێ و گویزا و که‌زان و مێویژان که‌ن ، ده‌مێ مرۆڤێ ته‌ماشای چاڤێن ڤان خورتو زه‌ریان دکر هیچ جوره‌ وه‌ستیانه‌ك لێ نه‌دهاته‌ خویاکرن ، چنکو ب ڤیانه‌کا زۆر به‌ره‌ف ڤی کاری ڤه‌ دچوون و نه‌دزانی وه‌ستیان چاوایه‌ حه‌ز و ڤیانا وان رۆژ بو رۆژێ پتر لێ د هات بو خوه‌ماندی کرن و کارکرنێ چنکو دوی سه‌ر ده‌میدا گوتنه‌کا مه‌زنا یا پر ب هێز بو دناڤ جڤاکێ کورده‌واری دا ئه‌وژی دهاته‌ گوتن ( شولکه‌رێ خوه‌ به‌ خوه‌شتڤیێ خه‌لکێ ) یان کارو رێنجبه‌ری شه‌ره‌ف و که‌رامه‌ت مه‌زناهی دهاته‌ نیشادان  .