به‌رهه‌ڤکرن : کازم سه‌ر گه‌لی

یاریه‌ کێله‌ به‌رانێ ، ئه‌ڤ یاری یه‌ژی وه‌کی هه‌می یاریێن دی ب هه‌ڤرکی دهێته‌کرن دناڤبه‌را دوو تیمان دا یان دوو کوما ، لێ ب مه‌رجه‌کی ئه‌ڤ هه‌ردوو تیمه‌ ته‌مه‌ت یه‌ک  بن ب هژمار ،

پێک هاتێن ڤێ یاریێ : هه‌ر ژ ناڤی دیاره‌ ژ دوو تیما و شه‌ش کێلا و هاڤێتنا به‌ران ، چونکه‌ دبێژنێ کێله‌ به‌رانێ ، یانکو کێل نیشانه‌ بۆ هاڤێتنا به‌ران ، یاری ب ڤی ره‌نگی دهێته‌ کرن ، هه‌ر تیمه‌ک دێ سێ به‌رێن ره‌نگ حه‌لان وه‌ک ئارمانجه‌کێ ڤه‌ده‌ن و دویراتی دناڤبه‌را هه‌ردوو تیمان  15م هه‌تا 20م  .

هه‌ر تیمه‌ک دێ ل ره‌خێ خو راستیت و سه‌روکێ هه‌ر تیمه‌کێ دێ دیار بیت ، پاشی ئه‌ڤ سه‌روکه‌ دێ بارێیه‌کێ دناڤبه‌را خو دیار که‌ن ، کا دێ کیژ تیم به‌راهیکێ به‌را هاڤێته‌ کێلا به‌رامبه‌ر ، ئێک ژوان سه‌روکا دێ تشته‌کی ڤه‌شێریت دناڤ ده‌سته‌کێ خودا و دێ بێژیته‌ سه‌روکێ به‌رامبه‌ر خو ته‌ کیژ ده‌ست ئه‌گه‌ر ئه‌و ده‌ست گوت ئه‌وێ ئه‌و تشت ڤه‌شارتی تێدا دێ ئه‌و به‌راهیکێ به‌را هاڤێتێ ، ئه‌گه‌ر ئه‌و نه‌گوت ، به‌روڤاژی بیت ، ئه‌و تیما کو گه‌ها وان کو ئه‌و به‌را پاڤێنه‌ کێلا دێ ده‌ست پێکه‌ن و دێ به‌را هاڤێنێ ، لێ نابیت هه‌ر یاریکه‌ره‌ک به‌ره‌کی زێده‌تر پاڤێته‌ کێلا ، ته‌نها ئه‌و نه‌بیت ئه‌وێ کێله‌کێ بشکێنیت ، یان بێخیت ، ئه‌وی مافێ دوو به‌را یێ هه‌ی په‌ڤێته‌ کێلا به‌رامبه‌ر ، ئه‌گه‌ر ئه‌و تیما هێرش که‌ر ، یان به‌را دهاڤێته‌ کێلا هه‌می کێل ، یان هه‌ر سێ ئێخستن یان شکاندن دێ دیار بیت کو ئه‌ڤه‌ وان گێمه‌ک یان خاله‌ک ب ده‌ست خوڤه‌ ئێخست و دێ جنه‌ لایێ دی و ئه‌وێن به‌رامبه‌ر یان تیما دی دێ هێته‌ جهێ وان  ، لێ دێ هه‌ر ئه‌و تیم هێرشا دکه‌ن هه‌تا کو کێلێن وان نه‌ ئێخن . پاشی دێ بیته‌ دوورا تیما دی  و هوسا دێ یاری یا به‌رده‌وام بیت هه‌تا جوداهی یا گێمان ، یان یا خالان دناڤ به‌را وان دا دیار دبیت ، ئه‌وێن پتر خال ده‌ستخوڤه‌ ئیناین ، ئه‌و تیم دێ هێته‌ دیارکرن کو تیمه‌کا زیره‌که و سه‌ر که‌فتی یه‌ و خودان شیانێن بهێزه‌ و تیما دووێ ، یان یا شکه‌ستن خواری دێ ده‌ست خوشیێ  لێ که‌ت و هوسا دێ یاری ب دوماهی هێت .‌