زباره‌

گه‌لێ کورد  ئێکه‌ ژ که‌ڤنترین  گه‌لێن ده‌ڤه‌رێ و ب درێژاییا هزاران ساله‌ لڤی ده‌ڤه‌رێ ئاکنجی بویه‌ ، ل به‌ر که‌ڤناریا وی ل ده‌ڤه‌رێ ده‌وله‌مه‌ند بویه‌ ب ره‌وشت و تیتالێن که‌ڤن و ره‌سه‌ن ، ئێك ژڤان تیتالان دبێژنێ ( زباره‌ ) ئه‌ڤی ره‌وشتێ ژهه‌ژی ره‌وریشالێن خوه‌رستی هه‌نه‌ و ژ جاڤێن که‌ڤن بومه‌ مایه‌ تا نوکه‌ ژی یا به‌رده‌وامه‌ زباره‌ ئانکو ب کوم ئه‌نجام دانا کاری چ ئه‌ڤ کاره‌ ب ماله‌کێ یان گونده‌کی یان هه‌تا هوزه‌کێ ژی دهێته‌ ئه‌نجام دان ، ئه‌گه‌ر ماله‌کی یان مروڤه‌کی کاره‌ك هه‌بیت کو پێتڤیه‌ بهێته‌ ئه‌نجامدان و چێ دبیت ئه‌نجام دانا وی کاری یا ب زه‌حمه‌ت بیت یان ماوه‌کێ درێژ پێ بچیت ئه‌گه‌ر ئێکێ ب تنێ وی کاری بکه‌ت ، ئه‌ڤجا دراوسێ و ده‌وروبه‌رێن وی و مروڤێن وی یێن نێزیك ب هاریکاریێ رادبن کو ئه‌و کار بده‌مه‌کێ کێمتر بهێته‌ کرن ، ئانکو ئه‌و کارێ بو ئێکێ ب تنێ دێ درێژ ڤه‌کێشیت ، دێ د ماوه‌کێ زوی دا هێته‌ کرن وه‌ك یا دیار زبارێ چه‌ندین مفا و وانه‌ تێدا هه‌نه‌ وه‌ك ئێگرتنا وان که‌س و مالێن بشکدار ، کارکرن ب دله‌کی ڤه‌کری کو زور جار ستران دبه‌ر را تێنه‌ کوتن ، مفا وه‌رگرتن ژ ده‌مێ کو ئه‌و کار زوی تر ب دوماهی دهێت ، موکومکرن په‌یوه‌ندیێن دناڤبه‌را وان که‌سان دا، قورتال کرنا که‌سه‌کی یان خێزانه‌کی ژ ته‌نگاڤیه‌کێ، ل سه‌ر ده‌مێن که‌ڤندا ل گوندان دا ب مشه‌یی ڤه‌ دهاته‌کرن . ئه‌وژی بو درونیا ده‌خل ودانی و برنجی و گێره‌کرنا وان و چلی برینێ و ئاخو بانێ ، ده‌مێ ماله‌کێ زباره‌ هه‌با دا داخوازێ ژ ده‌ورو به‌رو مروڤێن نێزیك و گوند یان که‌ت کول روژه‌کا دیار کری دا زبارێ بو بکه‌ن ، خه‌لك ژی هه‌ر که‌سه‌ك ئامیرێ خویێ پێتڤی بو زبارێ بو کارێ خویێ دیارکری ئاماده‌که‌ت روژا زبارێ سپێدێ زوی هه‌می دا به‌ره‌ڤ جهێ کاری چن و خوارن و ڤه‌خوارنا پالا ژی پارا پتر دئستویێ وێ مالێدا بو ئه‌وا زباره‌ بو دهاته‌کرن و ئه‌ڤ کاره‌ بێ به‌رامبه‌ر بو ئانکو خودانێ شولی چ پاره‌ یان که‌لوپه‌ل نه‌د دانه‌ پالا ئه‌ڤه‌ ئێك ژوان ره‌وشتایه‌ کو ب شانازی ڤه‌ ئه‌م دبێژین گه‌لێ کورد خودان ره‌وشتێن پا قژو مروڤ دوستانه‌یه‌ کو ئه‌ڤ ره‌وشته‌ یا کێمه‌ دناڤ جڤاکێن ده‌وروبه‌رێن مه‌دا