|
بهرههڤكرن
/ سامى رێكانى
وهرهخهل ب چ هاتیه نیاسین :وهرهخهل ب كهزانا
هاتیه نیاسین و ب گوندێ ئهنفالكریا و دهمێ ل
سالا 1978ێ گوندێن دهڤهرێ ژلایێ رژێما
گوربهگورڤه هاتینه چولكرن ل كومهلگههێن شێلادزێ
و سیریێ و باگێرێ ئاكنجى كرین چهندین گوندێن رێكانیا
مانه ڤه لسهر جهێن خوو وهرهخهل ئێك ژوان
گوندان بویه و خزمهتا شوهرشێن كوردى كر تاكو
سالا 1988ێ دهمێ ئهنفال لسهر گهلێ كوردستانێ
دا هاتى
.
وهره خهل ژلایێ جوگرافى ڤه :دكهڤیته ناڤهراستا
روژههلاتێ عهشیرهتا رێكان وژ بهلیكا بهرسیكیانه
كو وهرهخهل ژى ئێك ژوان گوندانه كو دكهڤیته
بهرسیكى لهوما دبێژنێ بهلیكا بهرسیكى ل دهردورێن
وێ گوندێن سوریان و هریاش و باوان و خالكاو رزێ
ودهیك و شابهكهما و دهعلكى و رهزگهو مێریهڤاو
سنجێ و شامكێ و مازیێ سهرب ناحیا دێرهلوك و قهزا
ئامێدیێ ڤهیه.
گوند ژچهند بنهملان پێكهاتیه:وهرخهل ژى وهكى
ههمى گوندێن كوردستانێ یا دبه كریه لسهر چهند
ئویجاخ و بنهمالان دا و ههرئێك ژبنهبابهكى
هاتیه ناڤكرن ئهوژى ئهڤهنه 1- ئویجاخا ئالێ
ئیسڤى 2- ئویجاخاگراڤى3- ئویجاخا هاجووت. ههر سێ
ئویجاخ ژى دبنهرهت دا بنهبابهكن
.
گوند ژ چهند كهس و خێزانا پێك هاتبوو :تا ئهنفالا
رهش ب سهردا هاتى ژ200سهروك خێزانا پێكهاتبوو
نوكه بوینه 300 سهروك خێزان ژوانان 80 كهس بێ
سهرو شوین بوینه دئهنفالێ دا و ژلایێ رژێما
دكتاتورا بهرێ ڤه هاتینه ئهنفالكرن و لهشێ
وان نههاتیه دیتن پتریا مالێن وان نها ل باژێرێ
دهوكێ و كومهلگهها باگێرا دئاكنجى نه و چهند
مالهكێن كێم ل كومهلگهها سیریێ نه
.
ژیارا گوندى : ل وى دهمى دا وهكى ههمى گوندان
ژین و ژیاراوان لسهر چاندنا دهرامهتێ دێهمى بوو
ژبهر كو گوندهكێ دێهمه و ی ب هیڤیا كانیا
ڤهیه ههروهسا تهرش و كهوال بخوداندكر
.ههروهسا كهزان و كهنگروك مشه لێ ههنه و
تانها دچنن
.
ژلایێ زانستى ڤه :ههر ژ كهڤندا رژێمێ زارویێن
وان ژ خواندنێ بێ بههر كربوون قوتابخانه لێ
نهدانا داكو ههر پاشكهفتى بن و چ ژمێوی گهلێ
خو نهزانن و ههر تهپهسهر بن لێ ژلایهكێ دى
ڤه ماموستایێن قوتابخانا بارزانیێ نهمر برێكێن
خویێن ئهندازهیى را مێشكێ وان دا كارى و هزرێن
نهتهوى ل جهم پهیدا كرن و دهرفهت بو دوژمنى
نههێلا كو دپهرژهوهندا وان دا كاربكهن و
ههتا كو ئیرو ئهو گوند خو دناڤا گهلێ كورددا ل
ههر پارچێنم كوردستانێ خو سهرفراز و سهربلند
دبینن و شاهدێن وان ژى ئهو (80) كهس بوون كو
تانها خو كریه قوربانێ دوزا گهلێ خوو لسالا
1988ێ هاتینه ئهنفال كرن .لێ نها لژێر سیبهرا
جكومهتا ههرێما كوردستانێ ب شهدان زارویێن
گوندى ل قوتابخانه و كولیژێن دهوكێ دخونن
.
ژچیاێن وهرهخهل :1- چیاێ چهلێ وهرهخهل 2-
سهرێ كێلیێ
3-
سهركهلوتكى
كانیێن گوندى :1- كانیا تونى 2- بێكهمترێ 3- بهر
چهلى 4- كانیا مارا 5- كانیا گیزا 6- كانیا رێلكێ
داروبارێن گوندى:1- داربهرى 2- دار مازى 3-
كهزان . گوهیشك
.
داوت و شاهیێن گوندى ب چ رهنگ بوون :دهمێ
كورهكێ گوندى داهاته ژنا و ژیانا ههڤژینیێ پێك
ئینابا دا دناڤ گوندى دا خوازیتن یان ژى ئهگهر
حهژ كچا گوندهكى دى كربا دا ژوى گوندى خوازیتن
ئینیتن داوهتێن وان ژى ل وى دهمى حهفت شهڤ و
حهفت شهڤا دا داوت بێژێن گوندى و گوندێن بهرسیكیا
هێن و داوهتێ كهن پاشى دا داوهت بێژ ژلایێ
مالباتا زاڤاى ڤه هێنه خهلاتكرن .ههروهسا وان
ژى كچێن خو ددانه گوندێن دى
.
بهشداریا وان دخهباتا شوهرهشێ دا:ههر ژدهستپێكا
ههلكرنا ئاگرێ شورهشێن ئهیلول و گولانێ خهلكێ
گوندى چهكێ شهرهفێ ل ملێ خودانابوو بهگرى ژئاخا
پیروز كوردستانێ دكر ژلایهكێ دى ڤه مالێن وان
ببونه بارهگایێن پارتى ههردهما پێشمهرگێن
قههرهمان هاتبانه دناڤا گوندى دا گوندیان مالێن
خو كربونه دخزمهتا وزان دا و هندهك جاران ب دههان
روژان مانه ل گوندى دهمێ دچوون ژى دا چانتكێن
وان پرى نان و خارن كهن تا ئهنفالا رهش بسهر
دا هاتى و نهگهههشتن خو خلاس كهن ژلهپێن
دوژمنى ئهوبو خهلكێ گوندى ههمى كرنه دزیلێن خو
یێن چهپهل دا و بهرهف كهلها دهوكێ ڤه برن و
(80) زهلام ژخێزانێن وان وندا كرن و ب ساخى بن
ئاخن تانها چارهنڤیسێ وان یێ دیار نینه
.
كارێ وان یێ نها :نها خهلكێ گوندى ههر ئێك مژویلى
كارهكى یه
به بدهست ڤهئینانا دراڤهكى بو خوشكرنا
ژیارا خێزانیێن خو.
ژێدهر
/
عهلى یاسین عومهر ئێك ژ ناڤدارێن گوندى
|
