به‌رهه‌فکرن: شریف صالح حمید

گوندێ خاستو ژووری ئێکه‌ ژ گوندێن سه‌ر ب ناحیا دینارته وقه‌زائاکرێ  ڤه‌ و ل ده‌ڤه‌را زێبارێ به‌لێ ژبه‌ر دویراتیا  وێ وه‌ك چه‌ندین گوندێن دی ژ قه‌زا ئاکرێ و بو بسناهی ئێخستنا کاروبارا و پێتڤیێن هاولاتیان نهو ناحیا دێره‌لوك یاسه‌ر ب قه‌زا ئامێدیێ ب هه‌می ئه‌رکێن قه‌زا ئاکرێ رادبیت ژبه‌ر کو ئه‌و نێزیکتره‌ . گوندێ خاستو ژووری دکه‌ڤیته‌ به‌رامبه‌ر کومه‌لگه‌ها شێلادزێ کو گونده‌که‌ ژکه‌ ڤندا تا نوکه‌ هه‌ر بڤی ناڤی دهێته‌ نیاسین  ئو چ بو‌چونێت دروست نینن کا ئه‌ڤ ناڤه‌ ژ چ هاتی یه‌ ،  ل رۆژهه‌لاتا ڤی گوندی گونده‌کێ دی هه‌یه‌ بناڤێ ( گوندێ خاستو ژێری ) ئه‌وژی ژبه‌ر چه‌ندین جهێن وه‌ك هه‌ڤ دناڤ به‌راڤان هه‌ردو گوندا دا هه‌ردوو بڤی ناڤێ ( خاستو ) هاتینه‌ ناڤکرن . ل رۆژئاڤایێ ڤی گوندی گونده‌کێ دی هه‌یه‌  بناڤێ گوندێ (لاتکا) و بو ماوه‌یه‌کێ درێژ خه‌لکێ گوندی ل گوندێ خو ئاکنجی بووینه‌ وه‌کی یا دیار کو خه‌لکێ ڤی گوندی ئه‌ڤه (10) بابه‌  ل سه‌ر ڤی گوندی دژین ، و ئه‌ڤ گونده‌یێ پێك هاتییه‌ ‌ ژ ئێك بنه‌مال ئانکو خره‌ك ژ ئێك خێزانن کو ئه‌و خێزان ژی یا ناڤداره ب بنه‌مالا ( حه‌جی حه‌میدێ خاستویی)  و ئه‌ڤ گونده‌ چه‌ندین جارا هاتی یه‌ وێرانکرن و سۆتاندن ژلایێ رژێما دکتاتوری ‌ یا عیراقێ ڤه  و خه‌لکێ ڤی گوندی ئاواره‌ی وه‌ڵاتێن هه‌ڤسی بوون بو ده‌مێ چه‌ندین ساڵا ، و پشتی سه‌رهه‌لدانا پیرۆز ل بهارا ساڵا 1991 خه‌لکێ گوندی ڤه‌گه‌ریاینه‌ سه‌ر خاکا خویا پیرۆز ئه‌وا بابو کالێن وان ل سه‌ر ژیاین و ل گوندێ خویێ به‌رێ ئاکنجی بووینه‌ به‌لێ پشتی رێکخراوێن خێرخواز سه‌ره‌دانا کوردستانێ کرین ئێك ژوان رێکخراوا (D.G.K ) یا ئه‌لمانی بو کو چه‌ندین خانی بو گوندێن ده‌ڤه‌را ئامێدیێ ئاڤاکرن ئێك ژ وان گوندا ( خاستو ژووری) بو کو هاته‌ ئاڤاکرن ب دیراتیا ئێك کیلومه‌تر ژ جهێ  وێ یێ که‌ڤن. ل  ڤی گوندی چه‌ندین شینواریێت که‌ڤن  هه‌نه‌ وه‌کی ( مزگه‌فتا بن میتکێ ، مزگه‌فتا قه‌سیلێ ، مزگه‌فتا دناڤ گوندی دا و دگه‌ل چوار گوڕستانا دگه‌ل دوو نه‌ویسکا ) کو ئه‌ڤ شینواره‌ هه‌می ڤه‌دگه‌رنه‌ ل سه‌ر مێژوویه‌کا زور یا که‌ڤن دبێت مێژوویا ئیسلامی بیت .  ژیانا ڤی گوندی یا به‌نده‌ ل سه‌ر به‌روبومێ چاندنێ و گییانه‌وه‌ری و نوکه‌ژی خه‌لکێ گوندی گه‌له‌ک ب سه‌خت و دژواری ژیانا خو دبه‌نه‌ سه‌ری ژبه‌ر نه‌بوونا ئاڤا ژیانێ و نه‌بوونا ڕێك و پرا و هاتن و چوونا وان ل سه‌ر داڤه‌رستێ یه‌ بو کومه‌لگه‌ها شێلادزێ!! هه‌ردیسا ژ لایێ حکومه‌تا هه‌رێما کوردستانێ ڤه‌ پروژێ ئه‌لکتریكێ ئانکو ( که‌هره‌بێ) هاتی یه‌ دروست کرن دگه‌ل قوتابخانه‌کا سه‌ره‌تایی یا چوار رێزی .  هژمارا سه‌رۆك خێزانێت گوندی دگه‌هنه  ( 21 )  سه‌رۆك خێزانا و ژمارا که‌سێن دڤێ گوندی دا دگه‌هنه  ‌  110  که‌سان . هه‌ژی گوتنێ یه‌ ڤی گوندی وه‌ک هه‌ر گونده‌کێ دی یێ کوردستانی چه‌ندین که‌س گوری خاکا کوردستانێ کرینه‌ .