|
زنار توڤى
گوندێ چهلكێ ئێكه ژ گوندێن دهڤهرا بهروارى
بالا و دكهڤیته روژئاڤایێ ناحیا كانى
ماسێ،ژ(200) خێزانان پێك دهێت و نوكه 130 خێزان
لسهر گوندى دژین و 70 خێزانێن دى ل دهرڤهى وهلاتى
و باژێران دژین.رووبهرێ گوندى لدورێن 6 هزار
دونهمێن ئهردێ ئاڤى و دێمى یه.
ژلایێ جوگرافی ڤه سنورێن گوندى،ژ روژههلاتی ڤه
گوندێ هرورێ یه و ژلایێ باكور ڤه گوندێ كێسته و
چهلكا كریستیانایه، روژئاڤایێ گوندى رووبارێ
خابیرى و دگهل سنورێ دهڤهرا گولیایه ههڤپشكه
و ل
باشورى گوندێ چهمیكێ یه.
"سهیید تاها سهلام" ئێكه ژ رهـ سپى و ناڤدارێن
گوندى دبێژیت:گوندێ چهلكێ بو جارا ئێكێ ل
19/6/1979 ژلایێ رژێما بهعس هاتیه سوتن و كاڤلكرن
و خهلكێ گوندى بزورى هاتینه ڤهگوهاستن بو
كومهلگهها هیزاوا ل زاخو،پشتى سهرهلدانا 1991 ل
مهها( 12) بو جارا دووێ گوند
ژلایێ رێكخراوێن بیانیڤه هاته ئاڤاكرن
لسهر رێكا گشى یا دناڤبهرا كومهلگهها بێگوڤا و
ناحیا كانى ماسێ دا و گوت:خهلكێ گوندى بهشدارى
دههردوو شورهشێن ئهیلول و گولانێدا كرینه و یهكهمین
شههیدێ گوندى "صالح فهقى" یه و ل شهرێ چیایێ
زاوا هاتیه شههیدكرن،دبهردهوامیا ئاخفتنا خودا
ناڤبرى ئهوژى خویاكر:خهلكێ گوندى گهلهك خهبات
و بهرخودان كرینه و 15 شههیدێن سهنگهرى ههنه
و ل ههوا ئهنفالێن رهش دهمێ خهلكێ گوندى دهربهدهرى
توركیا بویى 25 وهلاتیێن گوندى ل گوندێ كورێ مه
هاتنه گرتن و بدهستێ رژێمێ هاتینه كوشتن و بن
ئاخكرن.پشتى سهرههلدانێ روفاتێن وان بكوم وبرێو
رهسم ل گورستانا شاخكێ ل دهوكێ هاتنه ڤهشارتن،زێدهترگوت:دشورهشا
گولانێدا 6 زاروك
ب بومبهبارانكرنا فروكان هاتینه شههیدكرن.
دهربارهى ژیانا گوندیان "سهیید تاهاى" دا
دیاركرن:كو ههر لسهر دهمێن كهڤندا ژیانا
گوندیان
لسهر بخودانكرنا پهز و بزن و چێلا و
لسهر دارو بارێ ئاڤى و دێمى بوو.وهك:گهنم و جههـ
و كونجى و ماش و برنج و گهنموك و دارو گارس و
گهلهكێن دى دچاندن.
ههروهسا دادیاركرن:ههر ژكهڤندا رهوشت و تیتالێن
گوندى ئهو بوون كو ههمى دهما دگهل ئێك دههڤكار
بوون،وهكى زبارێن چلى برینێ و ئاخهبانێ و ههریكێلا
و ئاڤاكرنا خانیان و دهمێ داوهتهك ل گوندى چێببا
گوندیا ههمیان هارى مالا زاڤاى دكر و بارێ وى سڤك
دكر.یاریێن گوندیا حهژ دكر وهكى برانێ و ترانێ
كابانێ وگو دمدمه و تهپا دهستى بوون و گوت:یا ژههمیا
خوشتر شهڤهروك بوون و كو دبهر را ستران و چیروك
دهاتنه گوتن و ههرشهڤ گوندى دا ل مالهكێ كوم
ڤهبن.
ناڤهاتى دیاردكهت:كو گوندێ چهلكێ ژ چوار ئیجاخان
پێك دهێت:ههسن،حهسێ،وهیسى و سلێمان،ل گوندى
كومهكا كانى و شكهفتان لێ ههنه وهكى شكهفتا
گوندى كو ل دهمێ شورهشێ جهێ ڤه حهویانا خهلكێ
گوندى بوو و شكهفتا عهلى بابلا و میرا و
كانى یێن گوندى یێن بهرنیاس ،وهكى
كانیا خزێمێ و چهمى و ئاشى و كانیا میرانه
و گوت:ناڤدارێن گوندى: "سهید لهتیف و سهید
سهلام و حسێن و ئهمین و مهجید و حهجى محهمهد
تاهر و ئهحمهد و یهعقوب و سادق" بوون.پێشمهرگێن
ناڤدار ل گوندى و دهڤهرێ: "سهید نایف مسعود
سهلیم و ئهحمهد چهلكى و سهعید قاسم و حسێن
خالد" بوون و سترانبێژێن گوندى :"عهبدولقادر سادق
و حهكیم یهعقوب و قاسم" بوون.لدوماهیێ سهیید
تاهاى دا خویاكرن: تارادهیهكێ باش خزمهتگوزارى
بو گوندى هاتینه ئهنجامدان و دیاركر:كو پیشهیێ
سهرهكى یێ گوندیا سلته و گرتنا ماسیانه.
|
