|
زنار توڤى:
گوندێ دهرگهلێ دكهڤیته لایێ باشورێ روژئاڤایێ
سهنتهرێ ناحیا كانى ماسێ و ئێكه ژ گوندێن دهڤهرا
بهروارى بالا و سهر ب قهزا ئامێدیێ ڤهیه..
ناڤێ گوندێ دهرگهلێ ژ دهرێ گهلى هاتیه كو
گهلیهك دكهڤیته لایێ باشورێ گوندى و موسا بهگ
و شهش برایێن خوژى لێ دژیان لێ ژبهركو موسا بهگ
ژ ههمیان بناڤ و دهنگتربوو كاروبارێن گوندى
برێڤهدبرن لهورا گوند بناڤێ وى هاته
بناڤكرن،موسا بهگ دناڤبهرا سالێن (1920- 1922)
چویه بهر دلوڤانیا خودێ.
سنورێن گوندى:
گوندێ دهرگهلا موسا بهگێ ههڤ توخیبه دگهل
گهلهك گوندان و دكهڤیته بنێ چیایێ مهتینى و
سنورێن گوندى ژلایێ روژههلاتیڤه گوندێ قهسركێ و
ئاسهێ و خانكێ یه,باكورێ گوندى ئالكیشكێ و باتیفا
سهیدانه,لایێ باشورى گوندێ گیلكا و بێشیلێ یه و
ژلایێ روژئاڤا یڤه گوندێ میسكا وگوندێ جمبلكێ یه.
دیروكا گوندى بو بهرى سهدان سالان دژڤریت و بو
جارا ئێكێ گوند ل سالا 1963 ژلایێ رژێما عێراقێ یا
وى سهردهمى ب فروكان هاته بومبهبارانكرن سوتن
و گوندیا گوند بجه هێلا و دهربهدهر بوون و پشتى
سالا 1964 جارهكادى گوند هاته ئاڤاكرن و خهلكێ
گوندى زڤرینه لسهر گوندى و تا ههوا ئهنفالێن
رهش ل سالا 1988 جارهكادى گوند هاته سوتن
و وێرانكرن و خهلكێ گوندى ئاوارهى
وهلاتێ توركیا بوون.پشتى سهرهلدانا سالا 1991
خهلكێ
گوندى ڤهگهریانه لسهر گوندى و دووباره
دهست ب ئاڤاكرنا گوندى هاته كرن و لێ دلێ گوندیا
ههر رحهت نهبوو لهورا ل سالا 2002 دهمێ
سوپایێ توركى دهڤهرا بهروارى بالا بومبه
بارانكرى گوندێ دهرگهلێ كهفته بهر هێرشێن
سوپایێ توركى و جارهكادى بو ماوێ سالهكێ گوند
هاته چولكرن.
ژیانا خهلكێ گوندى:
ژیانا گوندیان د دهمێن كهڤندا لسهر بخودانكرنا
گیانهوهران بوو تانوكهژى خهلكێ گوندى لسهر ڤێ
چهندێ دبهردهوامن و دگهلدا خهلكێ گوندى كارێ
چاندنێ و جوت و كێلان ژى دكر.دهرگهلا موسا بهگێ
بدارێ سێڤێ بناڤ و دهنگه و لدورێن(10) هزار بنێن
سێڤا لێ ههنه.
خێزانێن گوندى:
گوندێ دهرگهلا موسا بهگێ ژ (105)
سهروك خێزانان پێك دهێت و ژ وانا (20 )
خێزان لسهر گوندى دژین و (45) خێزان ل دهوك و
زاخو فهیدیێ دژین و (40) خیزانێن دى ل دهرڤهى
وهلاتى دژین.
بنهمالێن گوندى:
پێكهاتهیا گوندى ژڤان بنهمالان پێك دهێت، 1-
بنهمالا موسا بهگێ 2- بنهمالا ئهحیا بهگێ 3-
بنهمالا فهتهح بهگێ
4- بنهمالا حهفزولا بهگێ
5- بنهمالا سهلیم بهگێ
6- بنهمالا عهمهر بهگێ
7- بنهمالا میر محهمهدى
8- بنهمالا محهمهد سهلیمى
9- بنهمالا نورى بهگێ
..
ناڤدارێن گوندى:
1-
فوئاد بهگ
2- شوكرى بهگ
3- نائیف بهگ
4- كامل بهگ
5- بهدیع بهگ
6- چولى بهگ
7- سهوفهت بهگ
8- موسا بهگ
9- جهلال بهگ
10- سهعدى بهگ
11 – سالح بهگ
12- عهبدولا ئهسعهد
13- سلێمان شوكرى..
كانى یێن گوندى:
1-
كانیا گهلیێ ههسپا كو كانیا سهرهكیا گوندى یه
و ئاقارێ گوندى لبهر دهێته ئاڤدان.
2- كانیا گوندى
3- كانیا دێردزكێ..
شكهفتێن گوندى:
1-
شكهفتا مهلایى,ئهڤ شكهفته بناڤێ مهلا
مستهفایێ بارزانى هاتیه بناڤكرن و دهمێ ل سالا
1963 هاتیه دهڤهرا بهروارى بالا بودهمهكێ
مایه لڤێ شكهفتێ پشتى هنگێ ئهڤ شكهفته بناڤێ
وى هاتیه بناڤكرن.
2-
شكهفتا شڤانا.
شینوارێن گوندى:
دوو شینوارێن گهلهك كهڤن ل گوندى ههنه و گوند
پێ دهێته نیاسین و یێ ئێكێ دوو ئاشێن ئاڤێنه كو
دیروكا وان بو بهرى سهدان سالان ڤهدگهریت و یێ
دووێ جویهكا ئاڤێ یه كو دكهڤریدا هاته كولان و
دكهڤیته لایێ روژههلاتێ گهلیێ دهرگهلێ...
پروژێن خزمهتگوزارى ل گوندى:
ل گوندێ دهرگهلا موسا بهگێ پروژێ ئاڤێ و
كارهبێ و جاده هاتینه چێكرن و گوندى پێدڤى ب ڤان
پروژان ههیه:
1- ئاڤاكرنا قوتابخانێ
2-
چێكرنا بیرهكا ئاڤێ بو ئاڤدانا ئاقارێ گوندى..
|
