ئێکه‌ ژ جهێن ب ناڤ و ده‌نگ و هه‌لکه‌فتی ول سه‌ر سینگێ چیایێ ئه‌لهوی ژ زنجیرا چیایێ مه‌تینا دکه‌ڤیت پشت گه‌لیێ کانیا سنجێ ناڤبه‌را ئامێدیێ و ده‌ڤه‌را به‌رواری باڵا، ژ جهێن گوزاری یێن خوشو دلفره‌هن ل رۆژێن بهارا ژ بو سه‌یران و گه‌ریانێن بهارێ  خه‌لکێ ئامێدیێ گه‌له‌ك قه‌ست که‌نێ، ژ ده‌مێن که‌ڤن و تا نوکه‌ رۆژێن خوش  ل وێرێ د بورینن و خوشیێ ب دیمه‌نێن وێ یێت جوان وخه‌ملی و سروشته‌کێ ڕه‌نگین دبه‌ن و گه‌له‌ك جارا شه‌ڤێن خو ل وێرێ بوراندن ، ژگیایێن بهارێ یێن خه‌لك مفایی ژێ وه‌ردگرن په‌نجارێن بهارێ نه‌ ژوان کڤارك و شێرکێتك و براجینك و که‌نگر و سترك و سێ بسك و ... هتد . ژگول و کولیکا گولشلێر و تری ریڤی و گول بزن و گول هرچ و نێرگز و سوسن و سمبلا وه‌کی باغه‌کی ل بهارێ دخه‌ملیت و هه‌روه‌سا هه‌لزا بهێن خوش قه‌وشانێن خو ڤه‌دده‌ت و گه‌له‌ك گیایێن ده‌رمان یێن نوژداری یا کورده‌واری وه‌کی گیابه‌ند و بێویژان وه‌کی ده‌رمانخانه‌کا سروشتی یه‌ ژ بوچێکرنا گیایێن ده‌رمان باشه‌ پاشه‌‌ رۆژێ هزر ب هندێ بهێته‌ کرن کو کارخانه‌کا ده‌رمانا لێ بهێته‌ چێکرن ژ بو مفا وه‌رگرتنا ژ ڤان گیا . هه‌روه‌سا ئه‌ڤ جهه‌ ل هاڤینان جهه‌کێ خوشه‌ و زوزان و فه‌ڕاشینن وژ گیانه‌وه‌رێن وێ یێن کیڤی په‌زکیڤی و گورگ و هرچ و ڕیڤی و کیشك و قوره‌ به‌شکا و گه‌له‌کێن دی . هه‌روه‌سا ده‌مێ به‌رێ په‌ز لێ دهاته‌ خودانکرن ژبه‌ر ئاڤا کانیێن وی یێن ته‌زی  وسار وه‌کی کانی تیێ و کانی زه‌رکێ و گه‌له‌کێن دی و ل پاییزا ژی تاما خونائێخیت وژبه‌رهه‌مێن پاییزێ خه‌لکێ مه‌ ژی بێ بار نابیت وه‌کی کوهیشك و گرسك و که‌زان لێ دمشه‌نه‌ زڤستانا به‌فره‌کا گران لێ دهێت  بو وه‌رزه‌شی جهه‌کێ باشه‌ ژ بو خشیلوکا ل سه‌ر به‌فرێ و نوکه‌ حکومه‌تا هه‌رێما کوردستانێ جاده‌ك لێ ڤه‌کری یه‌ کو دوێرێ ڕا بری یه‌سه‌رێ ئامێدیێ ئه‌ڤ جاده‌ هاتی یه‌ ڤه‌کرن ناڤبه‌را قه‌زا ئامێدیێ و ناحیا به‌رواری باڵا به‌لێ هێشتا بدوماهی نه‌هاتییه ‌.