جهێ کوردستان  ل سه‌ر گویا عه‌ردی ، وسروشتێ وێ ژ گه‌لی و چییا و ده‌شت و مێرگ و ریباران ، ب شینکاتیا گیایی ودار وبارا و سپیاتیا به‌فرێ ، هینکاتی و سه‌رما وگه‌رما هه‌ر چوار وه‌رزان وی مافی ده‌ته‌ مه‌ ئه‌م بێژین کوردستانێ سروشت و سه‌قایێ جیهانێ هه‌م ل خو کوم کریه‌‌ وخه‌لکێ خو ژ ج بێ به‌هر نه‌کریه‌ ، له‌وما ده‌سپێکا ژیانێ ژی ل کوردستانێ بو وه‌ک شکه‌فتا شاندێر دیار دکه‌ت . پتریا جهێن کوردستانێ هاڤینگه‌هن به‌لێ هنده‌ک جهێن وێ ژیێن دی بناڤ و ده‌نگ ترن ل هه‌رێما کوردستانا عیراقێ چه‌ندین  هاڤینگه‌هێن  بناڤ وده‌نگ هه‌نه‌ ژوان ئینشکێ . هاڤینگه‌ها ئینشکێ ئێکه‌ ژ هاڤینگه‌هێن ناڤدار ل سه‌ر ئاستێ کوردستانێ و عیراقێ و به‌لکو خه‌لکه‌ک ژ وه‌ڵاتێن دی ژی ب دیمه‌نێن وی مه‌نده‌هوش ماینه‌ پشتی هاتینه‌ ڤێ هاڤینگه‌هێ کو د که‌ڤیته‌ به‌رۆژێ چیایێ مه‌تینی به‌رامبه‌ر جیایێ گاره‌ی ل باکورێ هاڤینگه‌ و ناحیا سه‌رسنک و رۆژ هه‌لاتێ ناحیا بامه‌ڕنێ و ل رۆژ ئاڤایێ کۆمه‌ڵگه‌ها قدش ل هنداڤی سپنێ به‌هدینان ، دیمه‌نه‌کێ باڵکێش هه‌یه‌ ژ جهه‌کێ بلند و سروشته‌کێ هه‌مه‌ڕه‌نگ و ئاڤه‌کا بوش و پاقژ کو ژ سه‌رو کانیێ تا ژ هاڤینگه‌هێ ده‌ردکه‌ڤیت دیمه‌نه‌کێ نازک دده‌ته‌ ئینشکێ  و سیپه‌لا  ئینشکێ  جهه‌کێ دلڤه‌که‌ر وخوشه‌  ویا ژ وێ سه‌یر و فینک تر به‌لکو ل شه‌ڕگه‌هێ گه‌رما هاڤینێ مرۆڤ هه‌ست ب  سه‌رمایێ لێ دکه‌ت شکه‌فتا ئینشکێ یه‌ کو ده‌رگه‌هه‌کێ بچووک هه‌یه‌ به‌لێ ل ناڤ دا د ناڤ چیایی دا یا به‌رفره‌ و ب  ده‌هان مێزه و‌ کورسیک تێدانه‌ هه‌تا شه‌هیان و ئاهه‌نگ لێ دهێنه‌ و ل بانێ ڤێ شکه‌فتێ کولینه‌ک هه‌یه ‌ئاف ژی دکه‌ڤیته‌ نیڤا شکه‌فتێ وه‌ک سیپه‌له‌ک و جوانی و فینکاتیا وێ پتر لێ دکه‌ت . هه‌ژی گوتنێ یه‌ کو ل ده‌ما شوڕه‌شا ئیلونێ ئه‌ف شکه‌فته‌ وه‌ک نه‌خوشخانه‌ ژلایێ پێشمه‌رگه‌ی ڤه‌ دهاته‌ بکارئینان .هه‌ر وه‌سا هژماره‌کا گازینو و که‌پرا ل سه‌ر ئاڤێ هاتینه‌ چێکرن وچه‌ندین  خانی (شوقه‌ ) هه‌نه‌ به‌لێ مخابن نوکه‌ ژبه‌ر ئاریشا ئاکنجیبونێ خێزان تێدا ئاکنجیبوینه‌ و کارتێکرن ل سه‌ر دیمه‌نێ هاڤینگه‌هێ و بارێ خزمه‌ت گوزاریێ و ڕێژا خه‌لکێ قه‌ستا وێ دکه‌ت کریه‌ . هه‌ژی گوتنێ یه‌ کو ل به‌ر‌سنگێ ڤێ هاڤینگه‌هێ  ئاقاره‌کێ به‌رفره‌ هه‌یه‌ کو  ب که‌سکاتیا خو ڕه‌وشا ڤێ هاڤینگه‌هێ پتر لێ دکه‌ت .