ئه‌ڤ هاڤینگه‌هه‌ دکه‌ڤیته‌ ناڤبه‌را ئامێدیێ و به‌راواری باڵا ل پشت گه‌لیێ مزویرکا یێ بناڤ و ده‌نگ ئێکه‌ ژ جهێن هه‌لکه‌فتی و بلند ژ ده‌ڤه‌رێن گوزاری یێن جوان ل رۆژێن هاڤینا ول سه‌رێ چیایێ مه‌تینا دکه‌ڤیت دبێژنێ(کێریێ ئامێدیێ) نێزیکی کولپیتکا(پشێشی) ، ژجهێن وێ یێن ناڤدار کانیا سه‌رێ ئامێدیێ(کانیا کێری) کانیه‌کا سارو ته‌زی و ئاڤا وێ یا خوش و برکه‌کا ئاڤێ یا مه‌زن ل سه‌رهاتی یه‌ چێکرن ، و چوار بێ یا و ناڤده‌شتێ و خه‌لاڤا ، هه‌روه‌سا ئه‌ڤ ده‌ڤه‌ره‌ ژ جهێن وه‌رزه‌شی یێن بناڤ و ده‌نگه‌ نه‌خاسمه‌ خشیلوکا ل سه‌ر به‌فرێ ل رۆژێن زفستانێ وهه‌می سالان به‌فره‌کا گران ل وێرێ دهێت . بلنداهیا ڤێ هاڤینگه‌هێ ل سه‌ر لێڤا ده‌ریایێ(1985) میتره‌ و بایێ وێ یێ هوین و سار و دلڤه‌که‌ر ئه‌ڤه‌ جهه‌ گه‌له‌کێ خوشه‌ بو مرۆڤێن نه‌خوش .

 دیروکا هاڤینگه‌ها سه‌رێ ئامێدیێ :- هاڤینگه‌هه‌کا که‌ڤنه‌‌ ل ده‌ڤه‌رێ و دیروکا وێ دزڤڕیت بو سه‌رده‌مێ میرو پاشا و سولتان و به‌گێن میرگه‌ها به‌هدینان بو جهێ سه‌یران و گه‌ڕیانێن وان بوون جهێ ڕاڤ و نێچیرین وان بۆ هه‌ر وه‌کی هۆزانڤان به‌کر به‌گێ ئه‌رزی په‌سن دکه‌ت و نوکه‌ ژی جهێن شوینه‌وارێن سه‌رایێن وان ماینه‌ وپشتی ب دویماهی هاتنا ڤێ میرگه‌هێ و ئامێدیێ ل سالا(1862)ز بوویه‌ قه‌زا ل سه‌ر ده‌مێ ده‌وله‌تا ئوسمانی یا قائمقامێ قه‌زا ئامێدیێ یێ دووێ ده‌می(عبدالرحمن شریف به‌گ مویسلی) جهێ دیوانخانا وی ل هاڤینگه‌ها سه‌رێ ئامێدیێ بوون . هه‌روه‌سا پشتی شوڕه‌شا بیستێ ل کوردستانێ و پشتی شه‌ڕێ گه‌لیێ مزویرکا چه‌ندین سالا له‌شکه‌رێ به‌ڕیتانیاهێزێن خو ل هاڤینگه‌ها سه‌رێ ئامێدیێ(کێریێ ئامێدیێ) ئاکنجی کرن و بخو کره‌ هاڤینگه‌ه و پشتی هینگی جهه‌کێ گه‌له‌ك گرنگ بوویه‌ ل نك خه‌لکێ ئامێدیێ ول ده‌مێ به‌رێ  هه‌رسێ هه‌یڤێن خو یێن هاڤینێ ل وێرێ د بوراندن .