ئاراز  اسماعیل رێكانى

ده‌ڤه‌را رێكان ئێكه‌ ژ ده‌ڤه‌رێن ل ده‌مدا سه‌ر ب میرگه‌ها به‌هدینان و ژده‌ڤه‌رێن چیایى یه‌ و ب سروشتێ خو یێ زور جوان وهه‌رى بالكێش ناڤداره‌ و زه‌نگینه‌ ب دار و بار و گیا و كانى و روبار  مێرگ و زوزان  وشكه‌فت و.... هتد .

كانیا ره‌نگین ئێكه‌ ژكانیێن هه‌ره‌ گرنگ ومه‌زن یێن ده‌ڤه‌را رێكان  كو دكه‌ڤیته‌ سه‌نته‌رێ ده‌ڤه‌را رێكانیا و ب دروستى دكه‌ڤیته‌ گوندێ ره‌زگه‌ ودهێته‌ هه‌ژمارتن ژ كانیێن كه‌ڤن ژبه‌ر كو شینوارێن كه‌ڤناتیا وێ تا نوكه‌ ماینه‌ . هه‌لبه‌ت گوندێ ره‌زگه‌ مفایه‌كێ باش ژڤێ كانیێ وه‌ردگرت بو ڤه‌خوارنێ و ئاڤدانێ و ....هتد ، دیسان گوندێن ده‌ورو به‌ر ژى مفا ژێ وه‌ردگرت وه‌ك گوندێ شابه‌كه‌ما – ده‌علكێ – مێرگه‌ڤا - وهول  ژبه‌ر كو كانیه‌كا بوش و مه‌زن بو و یا به‌رده‌وام به‌ . ناڤێ وێ كانیا ره‌نگین بو ژبه‌ر كو ده‌ور و به‌رێن كانیێ یا خه‌ملاندى بو ژ هه‌مى جورێن گولێن ره‌نگا وره‌نگ ، لێ جهێ داخێ یه‌ ئه‌ڤ كانیه‌ به‌ره‌ف هه‌رفاندنێ دچیت ژبه‌ر كو پێتڤى سه‌خبێریێ هه‌یه‌ لێ كاودانێن سیاسى وئه‌قلیمى وبتایبه‌ت توب بارانكرن و هێرشێت توركیا لسه‌ر ده‌ڤه‌را رێكان نه‌هێلایه‌ خه‌لكێ گوندێ ره‌زگه‌ بچنه‌ سه‌ر گوندێ خو و ژیانا خو ببه‌نه‌ سه‌ر بره‌نگه‌كێ ئاسایى  .