|
بهرههڤکرن
: علی رێکانی
ب سروشتێ خویێ بالکێش و
رهنگا ورهنگ د ههر
جوار وهرزان دا ب رهنگێ
سپی یێ بهفرێ
ل زفستانێ و کهسکێ
ڤهبوی کولیلك و گولێن
ههمه رهنگ یێ داروبارو
گیای ل بهارێ و کهسکێ
تێکهل دگهل
زهراتیا بههینا گیایێ ل
دێمی ل هاڤینێ و بهلگێن
زهر یێت داروباری و بایێ
پایزێ کومهلگهها قهدش
وهك باژێرکهکێ رهنکا و
رهنگ و زور جوان دیار
دکهته ڤه ل بهروژێ
چیایێ مهتینی بهرامبهر
چیایێ گارهی ، دناڤبهرا
ههردوو هاڤینگههێن ب
ناف و دهنگ ل دهڤهرا
بههدینان سیلاڤ وا
ئینشکێ دا ، کومهلگهها
قهدش ئێکه ژ
کومهلگههێن سهر ب
قهزا ئامێدیێ
ڤه د کهفیته باکورێ
روژئاڤا سهنتهرێ
قهزایێ ( باژێرێ ئامێدیێ
) و ب دویراتیا (10) کم و
ل باکورێ ناحیا سهرسنکێ
ب دویراتیا (6) کم ل
ژێریا کومهلگههێ
ئاقارهکێ بهرفره
و پری ههمی جورێن
داروباری و ب تایبهت سێڤ
ههیه و بهرسینگێ گوندێ
یێ بهردایه و
دیمهنهکێ دلڤهکهره ،
کومهلگهها قهدش وهك
چهندین کومهلگههێن دی
ژبو مهرهمێن سیاسی
ژلایێ رژێما بهعس ڤه ل
سالا 1977 هاتیه دروست
کرن پشتی دهسپێکرنا
کاڤلهکرنا گوندێن سنوری
یێن دهڤهرێ و ب
دویراتیا پتر ژ ( 20) کم
ژ سنورا ، ل بهرێ
دناڤبهرا (40-50 )
خانیان ل گوندێ قهدش
ههبون بهلێ پشتی
ئاڤاکرنا کومهلگههێ ب
تهنشتا گوندی ڤه و ل
لایێ روژههلاتێ و ب
تایبهت پشتی
سهرههلدانا پیروز و
بهر قهرار بونا ئاشتیێ
و باوهری و بهرفرههیێ
و باش بونا بوارێ ئابوری
یێ خهلکێ و ڤهگهریانا
خهلکێ دهربهدهر بویه
ئیران و تورکیا ژبهر
زورداریا رژێما گور بگور
، ئهڤرو قهدش گهلهك
مهزن بویه ل لایێ
باکوری گههشتیه گوندێ
ئیسفکا و نوکه بهرهف
بن چیایێ مهتینی دچیت و
ژلایێ روژههلاتێ ڤه
نێزیکێ گوندێ دێرینته
بویه و دیسان ژ ههردوو
لایێن باشور و روژئاڤا ژی
ڤه بهرفرههی دبیت ، و
ئهفرو ژ چهندین تاخا
پێك دهێت وهك
شههیدان ، گوند ، ئیسفکا
، کومهلگه ، رێکانی ،
بنی گوندی ..... و
خهلکهك ژ دهڤهرو هوزو
گوندێن جودا جودا
لێ ئاکنجی بوینه وهك (
بهرواری ، نێروهی ،
رێکانی ، بهرگارهیی ،
صبنه ، ئهرهدنی ،
........) و وهكی یا
دیار دهمێ جههك بوش
دبیت جور و ژێدهرێن
ژیانێ ژی زور دبن لهوما
دێ بینین ژیارا خهلکێ
کومهلگهها قهدش ل سهر
چهندین ژێدهرایه
وهك موچه ( فهرمانبهر
و پێشمهرگه )
بهرههمێن چاندنێ و
گیانداران ( جوتیار ) ،
کهرتێ تایبهت (
دکاندار ، پاله ، شوفێر
، .....) و ههر چهنده
ئهڤرو بوارێ ئابوری یێ
خهلکێ کومهلگههێ بگشتی
یێ باشه ، بهلێ ل دهمێ
دوور پێچا ئابوری ل سهر
عیراقێ ژیار گهلهك ب
زهحمهت کهفت بو و دبیت
ژ گهلهك جهێن دی خرابتر
بو ژ بهرکو قهدش جههکێ
سنوری نهبو ژبو بازرکانی
و قاچاغیێ و پروژێن مهزن
لێ نهبون بو کاری وهك
باژێرا ، و جهێن بهرفره
بو چاندنێ نهبون وهك
دهشتێ و زێدهباری
کێماسیێ ئاڤا چاندنێ ، ل
دویف ئامارا ( 2006 ) ێ
هژمارا ئاکنجیێن
کومهلگهها قهدش (5160
) کهسن ل سهر ( 1032 )
خێزانان دابهش دبن و
(1007 ) خانی لێ ههنه ،
و ئاریشا ئاکنجیبونێ وهك
ههمی پارچێن دی یێن
کوردستانێ و عیراقێ یا لێ
ههی ، ژ ئهگهرێ
هاریکاری و پیتهدانا
حکومهتا ههرێما
کوردستانێ ب سهروکاتیا
بهرێز ( نێجیرفان
بارزانی ) چهندین پروژێن
خزمهتگوزاری هاتینه
جێ بهجێ کرن وهک
ئاڤاکرنا قوتابخانا و
کولانا بیرێن
ئیرتیوازی...و دیسان
چهندین دی د قوناغێن ب
چهئینانێ دانه وهك
نهخوشخانێ و پروژێ ئاڤا
ڤهخوارنێ و نوکه ل
قهدش سێ قوتابخانێن
سهرهتایێ ههنه و ئێکا
دواناوهدیا و ئێکا
نافنجی ، و بنگهههکێ
ساخلهمیێ ، شیرهتکاریا
چاندنێ ، بنگههێ پولیسان
، بهیتهره ،
باژێرڤانیا کو ههمی
ژلایێ حکومهتێ ڤه
دهێنه ب رێڤهبرن ، ل
بهرێ دا ژێدهرێ ئاڤا
ڤهخوارنێ کانیا گوندی بو
بهلێ پشتی پشکنین و
تاقیکرن ل سهر ئاڤا وی
هاتینه کرن دیار بو کو
ئهوه ئهگهرێ وان
ئێشێن بهلاف بو ل قهدش
وهك ( زهرک ، ثیفوئید ،
زك چون....) لهوما
حکومهتا ههرێمێ چهندین
بیر کولان و ئاڤا کانیێ
بو چاندنێ هێلا و ئهو
ئێشا گهلهك کێم بون و
هندهك نهمان ، ههژی
گوتنێ یه کو قهدش وهك
ههر پارچهکا دی یا
کوردستانێ ژ بشکداریکرنێ
دبزافا رزگاری خوازا
گهلێ مهدا یابێ بار
نهبو و ب ههمی شێوا ب
گهنجان وهك پێشمهرگه
و ب خوینا دههان کهسان
و ب پشتهڤانیا شورهشا ب
ئاهێن خوارنێ ، پێزانین ،
پاره ، چهکی کریه ، و
گهلهك نهخوشی ب سهری
هاتینه وهک خانی سوتن و
تالان کرن و دهربهدهری
شکهفتا بوینه ههستێ
کوردایهتی گهلهك یێ لێ
بهلاڤ و موکومه لهوما
ل سالێن ( ههشتیان دا )
گهنچێن قهدش
خوپێشاندانهك دژی رژێما
بهعس کرو هێزێن
لهشکهرێ بهعسیا و
دهزگههێن پولیس و
ئاسایش ( امن ) ب
گولهبارانکرن و قوتانێ
ژێك جودا کرن
|
