|
بهرههڤكرن : نوری حسن
بلو سهروكێ
باژێرڤانیا شێلادزێ
شێلادزێ ئێكه
ژ مهزنترین كومهلكههێن
دهڤهرا ئامێدیێ , د
كهڤیته روژههلاتا
ناحیا دێرالوك ب دویراتیا
( 13 ) كم و روژ ئاڤایا
كومهلگهها سیریێ ب
دویراتیا ( 3 ) كم ، ل
ژێریا كومهلكههێ
رویبارێ ( زێ ) یه و ل
باكورێ وێ چیایێ (
كورهژاره
) .
گوندێ شیلادزێ تا سالا
1975 پێكهات بو
ژ 30 تا 40 مالا , سالا
1976 گوندێن لسهر سنورێ
توركیا هاتنه كاڤلكرن و
سوتن ژ لایێ رژێما عیراقێ
ڤه وخهلكێ ڤان گوندا :
( بێده – پیراڤدهلا –
خوارى – قهسركێ – هیش –
ستب - مهیدانێ - نێروه
سیتو – ئهرتیس – بیرێ )
رژێما عیراقێ گوندێن وان
كاڤلكرن وخهلكێ وان
بخورتى لسهر گوندا راكرن
و ئهوان قهستا دهشتا
زێ كر و ئاكنجیبون ل
دهورو بهرێن شێلادزێ ,
چونكه وان نهدڤیا
دویركهڤن ژ جهێ باب و
باپیرا 0 بێ كو
رژێما عیراقێ دهستێ
هاریكاریێ بو درێژ بكهت
, وهك ئاڤاكرنا خانیا ,
یان قهرهبوكرن 0
سالا 1978 ێ كومهلگهها
شێلادزێ هاته ئاڤاكرن ژ
لایێ رژێما عیراقێ ڤه و
( 650 ) خانى یێن ئاخێ
هاتنه دروست كرن دماوهى
سێ ههیڤادا , چ مهرجێن
ئاكنجیبونا مروڤا د ڤان
خانیادا نهبون , چوونكه
ب لهز هاتنه ئاڤاكرن و
زورد بێ سهرو
بهربون 0 ئهو گوندێن
ئاكنجیبوین ل شێلادزێ
سالا 1978 ئهڤهبون : (
بهنستان – مروانس –
دێركێ – دهیك روژههلات –
رزێ - شابهكهما -
هولیانى - دهعهلكى –
مێریاڤا – رهزگه –
شامكى – سنجى – هوره -
كوكهرێ – بێبو – سپێر )
0
كومهلگهها شێلادزێ ههر
ژ روژا ئاڤاكرنا وێ تا
سهرهلدانا پیروز سالا (
1991 ) چ پروژه و خزمهت
گوزارى ژلایێ رژێما
گوربگور ڤه بو
نههاتینه پێشكێش كرن 0
بو نمونه , ئێك جاده
یان كولان نههاتبونه
سهبكرن یان قێركرن 0
خهلكێ وێ ههمى د
ههژاربون , چوونكه
هاتنه ڤهقهتاندن و
قهدهغهكرن ل گوندێن
وانا , چ كار یان پروژه
نهبون ل دهڤهرى , كو
بشێن لسهر شول بكهن و
نانهكێ بو خێزانا خو
دابین بكهن , ژبلى هندى
كو بهینه گرێدان ب رژێمى
ڤه , چوونكه مهرهما
رژێمى ئهوبو , كو ههمى
خهلكى ب خوڤه گرێدهت ژ
بو جێ بهجێ كرنا پیلانێن
خو دژى مللهتێ كورد 0
پشتى سهرهلدانا پیروز
سالا 1991 خهلكێ مه
ئهوێن ئاواره و
دهربهدهربوین ل توركیا
و ئیرانێ , ڤهگهریانه
كوردستانێ و زوربهى وانا
ئاكنجیبون ل شێلادزێ ,
روژ بو روژێ كومهلگهها
شێلادزێ یا بهرفرهه
دبیت و بهرهف
شارستانیهتێ دچیت و
نوكه هژمارا ئاكنجیێن
شێلادزێ گههشتى یه ( (
16000 كهسا ونێزكى (
3000 ) خانى لێ ههنه و
هژمارا سهروك خیزانا
نێزیكى ( 3500 ) سهروك
خێزان .
سالا ( 2001 ) بو جارا
ئێكێ جڤاتا باژێرڤانیێ
هاته ههلبژارتن و
سهروكاتیا باژێرڤانیا
شێلادزێ هاته
دامهزراندن و ل روژا 9 /
6 / 2001 دهست بكارێ
خوكر ، زور پروژه و
خزمهت گوزارى هاتنه
پێشكێش كرن ژلایێ
سهروكاتیا باژێرڤانیا
شێلادزێ ڤه , ب
پشتهڤانیا حكومهتا
ههرێما كوردستانێ وهك :
( قیركرن و سهبكرنا
جادێن نافخویى ,
دروستکرنا باخجێن گشتى و
باخجێ زاروكا , ئاڤ رێژێن
سندوقى , دوو قوتابخانه
, دوو یاریگههێن تهپا
پێ , مجزره , ئاڤاهیێ
بگورا شێلادزێ ,
ویستگهها ب هێزكرنا
كارهبێ , بانكا شێلادزێ
, سهنتهرێ رهوشهنبیرى
) 0
دیسان روژانه باژێرڤانى
رادبیت ب كارێ پاقژكرنا
باژێرى و راكرنا گلێشى 0
گهلهك جووك و رێكێن
پهیادا هاتینه چێكرن
وسهبكرن ژلایێ
باژێرڤانیێ ڤه لسهر
سلفا ههیڤانه.
دیسان سنورێ باژێرڤانیى
بهرفره بوویه و ژ لایێ
روژههلاتێ گههشتى یه
كومهلگهها سیریێ و ژ
لایێ روژئاڤا گههشتى یه
گوندێ شیف چناركێ و ژلایێ
باكوری ڤه گههشتى یه
گوندێ ئاوكا 0
ههژى گوتنێ یه كو
سهروكاتیا باژێرڤانیا
شێلادزێ رابویه ب كارێ
پیڤان و ( تسویه ) كرنا
عهردێ شیلادزێ و
هژمارهكا زور یا پارچێن
عهردى هاتینه ( فرز )
كرن
0
ژبهر قهیرانا
ئاكنجیبونێ ل دهڤهرێ ,
سهروكاتیا باژێرڤانیا
شێلادزێ رابویه ب
دابهشكرنا پارچێن عهردى
لسهر هاولاتیا , پشتى
رهزامهندیا جهێن
پهیوهندیدار هاتیه
وهرگرتن تا نوكه ( 528 )
پارچێن عهردێ
نشتهجیبونێ هاتینه
دابهشكرن لسهر خێزانێن
شههیدا و پهككهفتیا و
فهرمانبهرا و خێزانێن
ههژار 0 هژمارهكا دى یا
پارچێن عهردى هاتینه
بهرههفكرن و ل ڤان
نێزیكا دێ هێنه
بهلافكرن لسهر خهلكێ
دهڤهرێ 0
بازارێ شێلادزێ زور یێ
پێشكهفتى یه و دوكانێن
جورا و جور لێ ههنه و
بهایێ بازارى ژ دهور و
بهرێن شێلادزێ
ئهرزانتره , لهورا
خهلكێ ئامێدیێ و دیرالوك
و بارزان قهستا شێلادزێ
دكهن , ژ بو دابینكرنا
پێدڤیێن روژانه ژ
كهرهستێن ناف مالێ و
ئاهێن خوارنێ و فێقى و
زهوزهواتى0
خهلكێ شێلادزێ حهز ژ
رێنجبهریێ دکهت ,
ههمى جورێن پیشهیا لێ
ههنه وهك : ( بناء –
لباخ – ئاسنگهر – فیتهر
– وایرمن – چێكرنا
دهرگهه و پهنجهرێن
المنیوم – دانانا كاشى و
سیرامیكى - 00000
هتد
) و
نوکه پیشانگههێن
ترۆمبێلا لێ ههنه
.
دیسان خهلكێ شێلادزێ
زوربهى وانا پێشمهرگێن
دێرینن و شهرهف مهندن
و چهكێ شهرهفێ
ههلگرتى یه و خهبات و
بهرخودان وشورهش و
سهرهلدان توماركرینه
وبهشدارى ب دههان
داستانا دا كریه دژى
دوژمنى و زوردارى و
ستهمكارى قهبیل
نهكریه و ب سهدان
شههید داینه
.
|
