|
جعفر یاسین تویلهری دگهل دروست بوونا گهردون و ئاڤهدان و ههبوونا مرۆڤ و گیاندارا ژلایێ یهزدانی
ڤه و پهیدابوونا ژین و ژیانێ لسهر رویێ عهردی دناڤبهرا مروڤ و سروشتی
دا ژیان شهرو ململانێ یه و پێتڤی
زانین و ڤیان و شیانا ههیه یا دیاره کو خودایێ مهزن تیروژکهك ژڕوناهیا زانین و
زانستا خو دایه مه لسهر ڤی عهردی دا ئهم سود و مفایی ژێ
وهرگرین وهختێ ئهم کار پێ بکهین بو ژیانا خو یا رۆژانه ئهڤجا دڤێت ئهم خو
زیرهك و هشیار بکهین دا ژیانهکا پر کامیرانی بژین ، یادیاره و پێش چاڤه
نهتهوا کورد ئێکه ژ کهڤنترین نهتهوێن جیهانێ ههر دهست پێكێ و وهختێن
بهرێ ئهو بخو شیایه خو برێڤهبهت و ئێش و ئازارێن خو
چارهسهربکهت ژلایێ
زانا و شههرهزا و بسپورێت خو وهك زانایێ کورد ( ئهحمهدێ خانێ ) دبێژیت
:- کرمانج نهبێ کمالن تم بێ حال و مجالن .. براستی من دڤێت بێژم زانا و نوژدار و
سهرکردێن گهلێ مه جهێ سهر بلنداهیا مهبوینه و ههتا کو زانا و دیروك نڤیسێن
بیانی ژی ب بیانی ژی ب بسپورێن مه داخ بارن ، و ههژییه بێژین ( مهلا تاهایێ
تیلهری ) ئێك بو ژ زانایێن ئایین و نوژدارێن کوردهواریێ کو چهندین کارو
نوژداریێن باش کرینه و ئها بڤی ڕهنگی گهلێ کورد دهست بو دهستی وهخت بو
وهختی خو ژههر تشتهکێ خراب قورتال کرییه چاڤدێر و چارهسهریا ههمی نهخوشیێت
پر دهرد کرییه دڤێت کهسێن مینا ( مهلا تاهایێ تیلهری ) نوژدار و زانایێ کورد
نههێته ژبیرکرن دناڤ بهرپهرێن دیروکی ب نهخشینن ب خامێن زێرین یاد بکهین
شینوارێن وان ب خهملینین و نوی کهینهڤه دا ههردهم قوتابی و شاگردێن باش و
خودان شیان ئاست ل جهێ وان ڕابن و بگرن . زانا و
نوژدارێ خودان شیان و خهم خور خودێ ژێ رازی ( مهلا تاهایێ تیلهری ) ئهوێ ههمی
ژیانا خو تهرخان کری بو گهلێ خو چارهسهرکرنا ئێش و ئازارێن خهلکێ کوردستانێ بێ بهرامبهر و بێ پاره و ههتاکو چوویه بهر دلوڤانیا خودایێ مهزن ، ناڤدارێ کورد
( مهلا تاها حبیب عزیز تیلهری ) سالا ( 1908 ) ێ ژدایك بوویه ل گوندێ تیلهرێ ل
دهڤهرا بهرواری ژووری ژ بنهمالهکا خودێ نیاس و دیندار و کورد پهروهر بو ههر
ل دهسپێکا زاروکینیا خو بویه ئێتیم و گهلهك ههژاری دیتیه پاش ههست
و ههوێن وی بهرهف خاندنێ کار کرینه چویه گوندێ سپیندارێ
ل دهڤهرا بهرواری ژیریا بهر فهقاتی و زانینێ ههژیه بێژین گوندێ سپیندارێ
ئێکه ژ
کهڤنترین فیرگههێن دهڤهرا بههدینان مینا ئامێدیێ و مایێ ( مهلا تاهای) خاندنا خو ل وێرێ بدوماهیك
دئینیت و خاترا خو ژ مامۆستایێ خو ( مهلا تهحسینێ سپینداری ) دخازیت مولهتا دهستیردانا
مهلاتیێ وهردگریت ل سالا ( 1932 ) ێ ڤهگهریایه ناف کهس
و کارێن خو ل گوندێ تیلهرێ
ل سالا ( 1945 ) ێ ههستا وی یا نهتهوایهتی بهرو ڤیانا کوردایهتی دچیت ههردهم
دناڤ ئێش و ئازارێن گهلێ خو دا بو دهم و گاڤا دگوت یا خودایێ حهق تو مللهتێ مه
یێ حهق ژبن نهحهقیا دوژمنێ زۆردار ئازاد بکه ، دگوت هندی هوین بشێن خو فێری
زمانێ خو بکهن و زۆر گونهههکا مهزنه مرۆڤ زمانێ خویێ دایکێ نهزانیت ههژی
یه بێژین زۆر داخبار بو ب کهساتی و شوڕهشگێریا بارزانیێ نهمر
و دگوت مهلایه و
سهرکردهیه و ههژاره ، و خهم خورێ ڤئ مللهتیه ، دڤێت چ جارا نههێت ژبیر
کرن ، ( مهلا تاهایێ تیلهری ) ل سالا ( 1958 ) ێ دهست بکارێ مهلاتی و
نوژداری و حهکیماتیێ کرییه بێ گومان دوهختی دا نوژدار و زانایهکێ زیرهك بو
دبارێ نوژداریێ دا بو چارهسهرکرنا ههر ئێش و ژانهکا گران ههر کهسێ هاتبا لایێ
وی دا ل دویف شیان و شارهزایا خو و ب هێزا یهزدانێ
مهزن چارهسهریا وی کهت بدهرمانێت کوردی
و ب چارهسهرکرنا سروشتی ئانکو ( العلاج الطبیعي )
وئاموژگاریێت راست و پڕ مفا بو بێژیت ، راستی زۆر خو ل خهلکی دکر خودان یێ خهم خور بو دڤیا بهردهوام
دخزمهتا خهلکی دا بیت و ژمارهکا خهلکێ عیراقێ دهاتنه دهف
وبتایبهتی خهلکێ کوردستانێ و ژدهرڤهی وهڵاتی لدیف ناڤ و دهنگێ وی بو چارهسهرکرنا
ههمی وان ئێش و ژانا ، حهز دکر ئێتیم و سێوی و ههژار و بێ خودان بهێنه
دهف وی بو ههر کار و پێتڤی یهکێ وگهلهك داخبار بو ب وان کهسا چنکو دگوت ئهف
کهسه خوشتڤیێت خودێ نه دڤێت هاریکاریا وان بکهین و بێ بهرامبهر و چ جارا چ
ژ کهسێ نهوهردگرت ( مهلا تاها تیلهری ) بهرنیاس
بو و گهلهک مرۆڤێت دین و سهفیهه
و خودان ئێشێن گران چارهسهردکرن ب
شیانێن خودێ و دهرمانێن کوردی ، دیاره ناڤبری بو چارهسهریێ و هاریکاریا
خهلکێ چوویه ڤان دهڤهرا ب پیا دهڤهرا ( نێروه ) و
ڕێکان و بامهڕنێ و
سهرسنکێ و دهوکێ ل سالا ( 1975 ) ێ تا کو سالا ( 1979 ) رژێما بهعس دهست دا
وێرانکرنا گوندا ئهوژی دکهڤیت بهر وێرانکرنا گوندا دهێته ڤهگوهاستن بو کومهلگههێت
ب زۆری هاتینه ئاڤاکرن ( باتیفا گولیا ) ئاکنجی دبیت.
مخابن ل
21/12/1997 دلێ مهزنێ زانا و نوژدارێ کورد ( مهلا تاهایێ
تیلهری ) راوهستا ژ ئهگهرا نهساخیهکا گران و چوویه بهر
دلوڤانیا خودێ . وهسیهتا وی بو ل دهف ( زهمبیل فروش ) ب
ڤهشێرن!! نوکه گۆڕێ وی ل نک ( زهمبیل فروش ) یه .
|
