|
عاسم
مایی
شیخ تهها
عبدولرهحمان مایی . ل سالا(1258) ێ مشهختی(1840)ز ژدایك
بویه . دناڤ بنهمالهکا دیندار دا هاتیه پهروهردهکرن
، ههر دگهنجاتی دا خاندنا خوه ل سهر دهستێ مامێ خوه(مهلا
قاسمێ مایی) دهست پێ کریه .پاشی بهرهف گوندێ(ئهتروش)
چوویه کو ل دهڤهرا مزوریایه ، و بهردهوامی دایه
خاندنێ ل سهر دهستێ(مهلا عهبدولهادی ئهتروشی)
. ولدهمێ قوناغا خاندنێ پێشڤه چویی . بهرهف باژێرێ(میسل)
چوو، و باوهرناما زانستی ل
سهر دهستێ(عهبدوللا ئهلعومهری) وهرگرت دگوتێ ئیجازا(دوازده
علم). ههروهسا ل دهڤ مهحمود ئهقمهری) و (علی ئهلحهسری)
چهندهکێ خاندی یه ، ههر ل مویسل، پاشی ڤهگهریایه دهڤهرا
بهرواری
باڵا . شێخ تهها مایی . ددهمێ خودا زانایهکێ
بێ ههڤرك بوو ل دهڤهرا بههدینان و ههکاری! ..
وفێرگهها دینی ل مایێ پێشڤه چوونهکا باش دیت ل سهر دهمێ
شێخی ، کو ب دههان خاندهڤانا قهستا ڤێ ڤێرگههێ دکر ژ
بو وهرگرتنا زانستێ ل وی سهر دهمی هێشتا ڤێرگهه ب
ئێکجاری لدهڤهرێ نهبوون . . شێخ تهها مایی سێ زمان ب
بهرفرههی دزانین ، عهرهبی ، فارسی، کوردی(زمانێ ماکی)
. ئهڤ چهنده دهۆ0زانێن وی دا یا بهرچاڤه ، شێخ تهها
مایی نه بتنێ پویته ددا ڤێرگهه و زانستا ، بهلکی بوویه
خهلیفێ شێخ(محهمهد بامهرنی) و (دڕێکا نهقشهبهندی)
را بزاڤ دکر(پهروهردا تهسهوفی) ل دهڤهرێ
بهڵاڤ
بکهت . شێخ تهها مایی دهستهکێ
باڵا ههبوو دنڤیسینێ و
هۆزانێ دا ، گهلهك پهرتوك دروست کر بوون . دژیانا خودا
. بهلێ مخابن دهمێ پهرتوکخانا ڤێرگهها مایێ هاتیه
سووتن ل سالا(1924)ز ژ لایێ داگیرکهرێت ئینگلیزڤه
ونوکهرێت وان ل وی سهردهمی ، ئهڤ پهرتوکه نهمان ،
تهنها چهند
هۆزانهکێت وی ل بهردهست ماینه!! ئهڤه
ناڤێ چهند پهرتوکێت وی بوون کو هاتینه سووتن:
1-قلائد
الفرائد فی العقیده نظم
.
2-منهاج
مقاصد الابرار ومعراج مقاصد الاخبار فی التصوف.
3- فی مدح
الرسول .ده مێ ل دهستپێکێ دبێژیت:.(لاتعجبن لمن اسری به
الله أوقاب قوسین .أوأدناه أدناه) وهسا دیاربویه کو
شێخێ مه مروڤهکێ بهشوش وب دهڤکهنی بوو . دهێت گوتن
مروڤهکێ وی بناڤێ(محهمهد سهلیم مایی) نامهك بو ڤرێکر
بو، شێخ نهشیا بخوینیت ، ئینا رابو چهند گوتنهك پێ گوتن
. ئهڤهنه :
نڤیسنا ته ئهی مهحبوبێ
جانی
ب سهرێ ته نوقتهئه
ك من ژێ نهزانی
نهکرمانجی نڤیسی بوو
ته تیدا
نهتورکی بوو نه
فورس نه خهلانی
شێخ تهها
مایی(79) حهفتێ و نهه سال بوو تهمهنێ وی ، دهمێ ل
سالا(1337)ێ مشهختی ل (12)دوازدێ رهجهبێ . رۆژا دوشهمبی
و دگهل رۆژههلاتێ چوویه بهردلوڤانیا خودێ . کو ئهڤ
ساله دکهڤیته بهرامبهر سالا(1919)ز ێ . ئهڤ بنهماله
ل سالا(1060) مشه ختی ل گوندێ مایێ ئاکنجی بوویه ، کو پێش
هنگی ژ گوندێ بێدههێ هاتیه . ئهڤێ بنهمالێ ب دههان
زانا و هۆزانڤان و شێخێت نهقشهبهندی ژێ
ڕابوینه ، و
ڕولهکێ بهرچاڤ ههبوویه . دهشیارکرنا مللهتی دا دبوارێ
زانستی و نیشتمانی دا ، ههر ل دهستپێکا ڤێرگهها دینی ل
گوندێ مایێ ڤهکری و ههتا رژێما بهعسی ل (1978/7/9ز)ئه
ف گونده سووتی وهك ههمی گوندێت تخویبی . مهلا شێخ مهزههر
مایی ، ئهو ژی
هۆزانڤان و تورهڤانهکێ ناڤداره ل بههدینان
کو ل سالا(2000ز) چوویه بهردلوڤانیا خودێ . ئهڤ
روهنکرنه مه دیارکریه دا چ تێکههل بوون دکهسایهتیا
ههردووکا دا بو خواندهڤانێت هێژا چێ نهبیت! چونکی ههردوو
ب ئێك ناڤن .نوکه من ب فهرزانی هندهك نمونێت هوزانێت(شێخ
تهها مایی) بنڤیسین بو خاندهڤانێت بهرێز . هیڤیدارم جهێ
رهزامهندیا وان بن .
ب وی میثاق و وی
وهعدی...کو وهرگرتی ژ خودا وهندی
ژ جومله ئهنبیا من
دی ...دنهصو مهتن و قورئانێ
موحهمهد سهیدێ
وانه...بیشارهت وان به وی دانه
رهسولێ جن و ئینسانه...رهئیسه
ئهو د کارخانێ
دکارخانا نوبو وهتدا...دبازارێ
ریاله تدا
د ملکێ عام و رهحمهتدا...
ئهوه مومتازێ رهحمانی
ل ڤێرێ
چهند ریزێت تێکههل ژ ههردوو زمانا(کوردی و عهرهبی)
گوتینه دهمێ دبێژیت:
یاربی تقدست تباركت
تعالیت
سبحانك ژ دفیك هیامی
و هوایه
لهو ناڤێ
ته تکرار دکهم زورێ شرینه
رهبێ مه خودا مه
تهلهب و مهقصودێ خودایه
ل جههکێ
دی شێخ دبێژیت:
دبێم ههر
مهسلهکهك چاکه وهکی خو
ههما تێدا نهبن
تهزویر و حیله
بهلێ ئهڤ مهسلهکا
پیر لێ دچیتن
مبارهك مهسلهکه
زیبا سهبیله
دبیت حوجهت ل سهر
سالك ژبو پیر
دسلکا ئیستقامێ دا
دهلیله.
|
