|
صالح محسن
وهسا دیاره ل سهر وێ کانیا ههنێ شهرهك چێبویه .. کانێ پولیس
ئاساییش.. پێشمهرگه سهحهکێ ژێ ناکهن ... کاراوهستن راوهستن
هوین دزانن چ ریدایه ؟ ئهوبخو کار و ئهرکێ مه ههمیانه پارێزڤانیێ
لێ بکهین . بهلێ بلا بتنێ پێشمهرگێت پاراستنا ژینگههێ بڤێ چهندێ
راببن . ل سهر وێ کانیا ههنێ ( کانی کهوکێ ) نێچرڤانهکی چهپهرهك
دانایه و شهر و دنگێنه دگهل کهو و کویڤیا ، خو دێ بێژن یێ لبهر
سینگێ هێرشهکا دوژمنا ل سهر سنوری بهرهڤانیێ دکهتن ... بهلێ مه
نهزانی چهند کهو هاتینه کوشتن .. بریندارکرن چهند ژی ب ساخی خلاس
بوینه ، بهلێ ههڤالێت ژینگههێ چونه جهێ رویدانێ هێژ بدروستی پسیار
ژێ نهکرین دسهر نهحهقیا خورا ... یێ ب رهقی و بێ رێز بهرسڤا وان
ددهت .. ووو هوین دزانن ئهز کیمه .. ما کهسهك ههیه رێکێ لمن بگریت
.. هنگ چ هزر دکهن .. هێ هێ مامۆ ..(دێ من گرن) هنگ دزانن برایێ من کاربدهستهکێ
مهزنه دناف دهزگههێت حوکمهتێ دا .. پسمامێ من بهرپرسهکێ حزبیه
و ئهفسهرێ ژینگههی ئهو دهستهبرایێ منه و روحێت مه ئێکن .. ئهو
بزانیت خو دێ وان فیشهکێت من هاڤێتین ژی دێ دهتهڤ من ڤه ل شیناوان
و دێ بێژیته ههوه کا ههوه ژکیڤه ئینایه ببهنهف وێرێ . ئها بڤی
رهنگی بهرهلایی پهیدابویه .. ب خودێ یا ب زهحمهته ئهڤ شوله
... ههکه هوسابیت .. ههکه ههر کهس ل دهف خو وێ ههستێ نهکهت و
دژیانێ نهگههیت (هوین ب خودێ ئهڤه دهمێ نێچرێ یه ) و هوین دزانن
چ کریه ، ئهڤه دهمێ جوت بوونا کهوایه و دانانا هێلین و هێکایه....
وی نێچیرڤانی مێ کهو کوشتیه و نێره کهو ژی هێلایه ب چهنگهکی نه
دشێت بفریت و نهژی دشێت قهستا لیسێ خو بکهت ، بتنێ ب قهبینهکا دهنگ
کهفتی یێ ههوار و گازیێت خو دکهت بهلێ دهنگ ڤهگێران لێ نا زڤریت
ژوێ مێ کهوا شانزده هێکێت خو هێلاینه دهێلیڤانکا بێ خودان دا و ل بن
ههڤرستهکا بێ خهمل دا ژ ترسا دهنگێت داس وبڤرا ل سهر سهرێ وان ..
بهلێ .. وهنهکر ئهو شانزده روحێن دی بو پاشهروژێ چاڤێت خو
ڤهکهن و وار بێ باهرکری ژ دهنگێ قهبین و خهملا وان . (ئهز نزانم
و یا ژبهرمه بهرزهبوی کانێ کی گونههباره) ئان کێ دهست نیشان
بکهین یێ کو سهرپێچیا دکهتن و یاسای ب رێبهر نه نیاسیتن.. کی یه
وێ دارا ههنێ ژ بنی دبریتن و تهراشێ ژی ب رههوریشال ڤه دههلکێشیتن
.. بهلێ ئهم ههمی پێگڤه پشکدارین دڤان کار و سهرپێچیا و باهر دگونههێ
دا ههی .. ئهڤ چهنده ژی ب تاکه کهسان چارهنابیت.. ئهرك و کارێ
مه ههمیانه ههر کهس ژلایێ خو ڤێ بهرپرساتیێ وهربگریت و
ژینگههێ ب پارێزیت.. ههڤکاربن و نهخشهیێت ژێهاتی و سهردهم
دابرێژن ژبو پێشڤهبرن و پاراستنێ و ئاخا خویا پیروز ب جوانترین شێوه
بهێلین ب خهمل و ئهسمانێ خو زهلال پێلین و کانیێن خو شێلی نهکهین
و ئهز و تو و یێ ههنێ و نێچرڤان و ژینگهه ، پێکڤه ههڤبهستهکا
ئێك و دوو پارێزیێ موربکهین و رێزێ ل ههڤدو بگرین و بلا ئهڤ بهاره
ببیت دهست پێك و ئێدی داڤ و سیته و تهلهان ڤهنهدهین .. کولکێ خو
ل بهر ڤهنساندنێ ب ههرفینین و وێ ههلامهتێ نهشرینێ دبێژنێ دێم
جامه یێ کو کهو و کیڤیان یێ پێ دخاپینن ب بێ رهحمی ، بکهنه
کهڤالهکێ دهربرینێ ژبو نوی ڤهژاندنا (ئاقارێ پێگڤه ژیانێ) و
داخازا لێبورینێ ژ ژینگههێ بکهین . چونکو ههر گیانهوهرهك ئێخسیرێ
وژدان و رهفتارێت مروڤانه .. گهر ب زمان و ئاخفتن بهێن ، دامه شههمزارکهن
بوێ رهفتار و دژواریا ل ههمبهر خو .. گهر ژی نیڤ هێزهکا بتنێ ژی
ههبا و بهرهڤانی ژخو کربا ، ئها دا ل وی دهمی مێرخاسێت کولك و راڤ
وچهپهرا شنی ل خو زڤرنهڤه وهزرێت خودا چنهڤه و بیر ل خێزان و
زاروکێت خو کهنهڤه و ل وی دهمی دێ شێت بریارا خو دهت ، رێکا
توندی و کوشتنێ .. یان ژی ژبو ههر گیاندارهکی بهردهوامیا ژیانێ .
| 
