ديان جميل / دهوك

  که‌س ژمه‌ نینه‌ دهنده‌ک ده‌لیڤێن به‌رته‌نگ و نه‌خۆش را بوریبیت و روندکێن وی نه‌ هاتبنه‌ خارێ لسه‌ر ڕیێن وی،هه‌لبه‌ت هنده‌ک ژمه‌ دێ ڤان روندکا ڤه‌شێرن و ناهێلن که‌سه‌ک پێ بزانیت، لێ هنده‌کێن دی دێ په‌نایێ به‌نه‌ به‌ر که‌سه‌کێ نێزیک داکو به‌حسێ خه‌مێت خۆ بو بکه‌ت و بێژیتێ روندکێن من پاقژ بکه.

لێ ده‌مێ روندکێن ته‌ دهێنه‌ خوارێ، تو داخاز ژکێ دکه‌ی بوته ڤان روندکا‌ ڤه‌مالیت ؟

ده‌یک

  خودانا دله‌کێ نه‌رم و پری دلوڤانی و باوه‌ری یا کو چ گومان تێدا نه‌ی ، ده‌یکا ته‌ دێ روندکێت ته‌ پاقژ که‌ت هه‌ر وه‌کی ده‌مێ تو یێ زاروک و ته‌ دکره‌ گری لبه‌ر سینگێ وێ، دیسان دێ ته‌ هه‌مبێز که‌ت ژبه‌رکو ب دیتنا وێ  تو چه‌ند یێ مه‌زن بی هێشتا دچاڤێن وێدا تو زاروکێ و پێدڤی دلوڤانی سه‌خبێریا وێی .

باب

  باب ژی دێ روندکێن ته‌ ب هه‌می ڤیان و دلوڤانی ڤه‌ ڤه‌مالیت، دێ ده‌ستێ ته‌ گریت و هنده‌ک په‌یڤا بوته‌ بێژیت کو به‌ری هینگێ که‌سێ بو ته‌ نه‌گوتینه‌، له‌ورا دێ ده‌نگێ وی مینته‌ دهزرا ته‌دا و هیڤیێن سه‌رکه‌فتنێ ده‌ته‌ ته‌ ژبه‌ر وان شیره‌تێن بوته‌ پێش کێش کرین .

خیشک

  ئه‌و کیش دلوڤانیه‌ ژ یا خیشکێ نه‌رمتر ، یان ئه‌و کیش دیمه‌نه‌ ب باوه‌ریتر ده‌مێ خیشکه‌ک سه‌رێ خو دانته‌ سه‌ر پێ خیشکا خو یا مه‌زن، دلوڤانیا خیشکێ ژی هه‌رده‌م وه‌کی دلوڤانیا ده‌یکێ یه‌ بتایبه‌ت خیشکا مه‌زن .

برا

  ده‌مێ برا بشێت روندکێن برایێ خۆ ، یان خیشکا خو پاقژ بکه‌ت ئه‌ڤه‌ بهاتر‌ین و جوانترین هه‌ستێ دلوڤانیێ یه‌.‌

  برا دێ هه‌ست ب دلوڤانیا برایێ خو که‌ت هه‌م وه‌ک باب ، برا ، هه‌ڤال ....

ئه‌ڤیندار

  خوشتڤیێ ته‌ ژی ( هه‌ڤژین، هه‌ڤالێ ئه‌ڤیندار ، یار، ده‌زگر...) دێ پشکاداریێ د ئێش و خه‌مێن ته‌دا که‌ت هه‌روه‌کی چه‌وا د خۆشیێن ته‌دا یێ به‌شداره‌، دێ ریێن خۆ دانته‌ بن چاڤێن ته‌ داکو روندکێن ته‌ ئێک ئێکه‌ بکه‌ڤنه‌ سه‌ر دێمێ وی و ناهێلیت بکه‌ڤنه‌ سه‌ر عه‌ردی چونکی گه‌له‌ک لده‌ڤ وی ب بهانه‌

چ پێ نه‌ڤێت ژی دێ روندکێن ته‌ ڤه‌مالیت و ناهێت که‌س ببینیت چونکی لده‌ڤ وی وه‌کی چپکێن خینێ نه‌ .

هه‌ڤال

  هه‌ر وه‌کی هاتیه‌ گوتن هه‌ڤال ئه‌وه‌  یێ ده‌مێ ته‌نگاڤیا دیاردبیت‌

لڤێرێ دێ پشکداریێ دخه‌مێن ته‌دا که‌ت و هه‌ولده‌ت ئه‌گه‌رێ وان نه‌هێلیت ، دهه‌مان ده‌م دا دێ شیره‌تا لته‌ که‌ت و ب دلوڤانی دگه‌ل ته‌ راوه‌ستیت و ده‌ستێ وی دێ شیان هه‌بن روندکێن ته‌ پاقژ بکه‌ت، ئه‌ڤه‌ هه‌که‌ ژ راستا هه‌ڤاله‌کێ ب وه‌فا بیت .

ڤێجا ژڤان هه‌میا تو دێ په‌نایێ به‌یه‌ ده‌ف کێ دا روندکێن ته‌ پاقژ بکه‌ن و ب که‌یف و گرنژینێ بوته‌ بگهوریت ؟

‌