دیان جه‌میل / دهوک

  ب گشتی گه‌نجا رێکه‌کا سه‌یر هه‌یه‌ بو ده‌ربرینا ئه‌ڤینا ژبو ره‌گه‌زێ به‌رامبه‌ر، چ پێنه‌ڤێت ژی ئه‌ڤ چه‌نده‌ رێکه‌کا نه‌ ئێکسه‌ره‌ به‌لکو ب هنده‌ک لڤینن و په‌یڤێن کورته‌ کو هوسا بو هه‌ڤالا خۆ دیار دکه‌ت و دڤێت بێژتێ ئه‌ز حه‌ژ ته‌ دکه‌م ، ئه‌ڤ رێکه‌‌  به‌هرا پتر لده‌ڤ وان گه‌نجا هه‌یه‌ یێن زی ب زی دخۆرا نه‌بینن ئیکسه‌ر یا دلێ خۆ دیاربکه‌ن ، له‌ورا گه‌لی کچان زۆر هشیاری لڤینێت کورا بن و بهیری هزرا خۆ تێدا بکه‌ن کا مه‌ره‌ما وی چیه‌  ژڤان لڤینا بو نموونه‌ .

  ئه‌و گه‌نجێ به‌رده‌وام سه‌حکه‌ته‌ چاڤێن ته‌ مه‌ره‌ما وی ئه‌وه‌ دڤێت دگه‌ل گیانێ ته‌ باخڤیت و یا دلێ خۆ ئاشکه‌را بکه‌ت بێ بکارئینا په‌یڤه‌کێ ئانکو یا دبێژنێ ب زمانێ لڤینا، دیسان دێ  په‌نایێ به‌ته‌ به‌ر هه‌ر رێکه‌کێ بتنێ دا باوه‌ریێ بو ته‌ دروست بکه‌ت و بتر هه‌ڤنیاسینێ دگه‌ل هه‌ستێن ته‌ په‌یدابکه‌ت .

  کورک ده‌مێ ژدل بته‌ داخبار بیت ، هه‌ر جهێ تو بجیێ به‌ری ته‌ یێ ل وێرێ ئاماده‌یه‌ بێ گیرووبون ئه‌ڤه‌ژی دا بوته‌ دیاربکه‌ت هه‌رده‌م یێ دگه‌ل ته‌ و بێ ته‌ نه‌شێت بژیت له‌ورا گه‌ر ته‌ دیت یا خۆ ئامه‌ده‌کری‌ ژ هه‌می لایه‌ناڤه‌ ئه‌ڤه‌ رامانا وێ ئه‌وه‌ کو ئه‌و دزانیت تو دێ هێیه‌ وێرێ نه‌کو هه‌ما ژ نێشکه‌کێڤه‌ ئه‌و هاته‌ وێڕی و توو دیتیه‌.

  کورکێ کو ژدل حه‌ژ ته‌ بکه‌ت گه‌ر ل ژڤانێ دیتنا ته‌ بیت و په‌یوه‌ندیه‌کا تێله‌فونی بو هات ئه‌و به‌رسڤێ ناده‌ت، یان هه‌ڤاله‌کێ وی دگه‌ل بیت و داخازێ ژێ بکه‌ت ژ وی جهی بچن ئه‌و دگه‌ل ناچیت، بتنێ دا بووته‌ دیار بکه‌ت کو ئه‌و یێ به‌رهه‌ڤه‌ ده‌ست ژ هه‌می وان په‌یوه‌ندیێن خۆ یێن که‌ڤن به‌رده‌ت سه‌رخاترا ته .