|
بیرس ئامێدی
ههڤژینی قوناغا دوماهیێ دژیانا مروڤی
دا و چ گورانکاریێن دی لسهر مروڤی را دهرباز نابن !! ب تنێ هندهك گورانکاریێن
تایبهت نه بن ل سهر مروڤی دا دهێن ، قوناغا ههڤژینیێ قوناغهکا گرنگه دژیانا
مروڤی دا و گهلهك پێتڤی ب چاڤدانێ ههیه ، داکو ئهڤ قوناغه نهچرمسیت و ب مریت
، ژبو هندێ داکو ئێکگرتن دناڤبهرا وان پهیدا ببیت پێتڤیه تێگههشتن دناڤبهرا
وان دا ههبیت ئهوژی ب چهندین ڕێکێت جودا دا ، وهکی ئاخفتنێت خوش یان ژی دیاری
کرنا هندهك کهل و پهلێن بچویك!! ئهڤ چهنده ڤێ قوناغێ ب هێز دئێخیت و ناهێلیت
ب نهخوشی بوریت چونکی دێ کارکهت کو ببیته هاندهرهك بو بهرهف پێشڤه برنێ ،
ههروهسا دبێژینه ههوه باشتره ئهگهر هوین بزاڤێ بکهن کو چ بیرهاتنێن ههوه
نهمرن و ب دل خوشی ل سهروهرا ببورن ، ئهم دبێژین ( 4 ) روژ یێن ههین کو هوین
تێدا دیاریا پێشکێش بکه ن ، پێتڤی یه ژبیر نهکهن کو ئهو روژ گهلهك ب
بهانه ل دهف ههردوو ههڤژینا و پێتڤی یه ب تایبهت زهلام د ڤان (4) روژان دا
دیارێن ب بها بو ههڤژینا خو بکریت چونکی دێ بهرهف قوناغێت دهسپێکا ژیانا وان یا
ههڤژینێ بهت و ئهڤینیێ دناڤبهرا وان دا نویکهتهڤه ئه و(4) روژ ژی ئهڤهنه
:
1- روژا ژدایك بوونێ : ئهڤه روژهکا
گران بهایه دژیانا ههر کهسهکی دا لهوما ل سهر ههڤژینان پێتڤی یه ههردهم
بزاڤێ بکهن ئهڤێ روژێ ساخ کهنه ڤه بو ههڤ دوو ، دئهڤێ روژێ دا ئهو حهزا ههڤژینا
خو ب جهبینیت یان کانێ داخازاوێ چیه وهك دیاری بو پێشکێش بکهت یان ژی ههر
تشتهکێ ئهو حهژێ بکهت بو بکهته دیاری ب ههلکهفتنا ئهڤێ روژێ .
2- سال روژا ئاههنگا شههیانا خو :
ههر ژ دهسپێکا قوناغا سنێلهیێ چاڤێ
مروڤی یێ ل ئهڤێ روژێ و گهلهك هزرا دسهرێ خودا دسهپینیت و هێڤه دئینیت
و وێڤه دبهت حهتاکو ئهو دهم دهێت!! لهوما دهمێ ئهڤ چهنده ل سهر مروڤی دا
چوو دێ بو وی کهسی بیته بیرهاتن ، ژ بهر ڤێ چهندێ یاڤهره ئهڤێ بیرهاتنێ چ
جاران ژبیرنهکهن، دبێژمه ته بزاڤێ بکه دئهڤێ روژێ دا دیاریهکا ژ ههژی و
دگهل نامهکا ئهڤینیێ بپێشکێشی وێ بکه ، وی دهمی دێ ئهو هزرکهت کو ئهڤینا
وان یا بهرێ نوی بوڤه و دێ وان بهته وی سهردهمی ڤه ، ب ئهڤێ چهندێ پتر ههڤژین
نێزیکی ئێك دبن و دێ پتر داخباری ئێک بن .
3- روژا چهژن : پێتڤی یه روژا چهژن بهری
ههر تشتهکی تو چهژنا خوشتڤی یان ههڤژینی پیروزبکهی و چ دیاریهك بیت ئهگهر
تو بدهیێ دێ پتر ههست ب ههبوونا خوکهت ل دهف ته و ئهڤ چهنده ژی ژخالێن
گرنگه کو دناف بهرا ههڤژینان دا ههین و ههروهسا بزاڤێ بکه ب هندهك پهیڤێن
مودرێن چهژنا وێ یان وی پیروز بکهی و ڤیانا خو بههرا وێ روژێ بو ئهوی دیاربکه
.
4- چهژنا دایکان : روژا دهیکێ ئانکو
چهژنا دایکان و ئهڤێ روژێ دا ( 3 ) دیاریان ئاماده بکه !!! یا ئێکێ بو دهیکا
خو و یا دووێ ژی بو ههڤژینا خو و یا دی ژی بو خهسیا خو هه روهسا بزافێ
بکه ههمی دیاریان توبدهستێ خو بدهیهڤ وان، ئهگهر خو چهند یا ئهرزان بیت
چونکی دئهڤێ روژێ دا ب تایبهتی دێ مافێ وان ژلایێ تهڤه هێته دیارکرن
| 
