|
ئازاد بهرواری
گهر بکاریبام تهڤ ههست
و هزرێن خوو بئینمه زمــان ، دا وهســـا ههوهیێن رێزدار و خوشتڤی
ئاخێڤم .
بهردهوام ئهز یێ مهزن
دبم و دهێمه گهورین ، راسته ئهز زاروکێ ههوهمه لێ من کهسایهتییهکا
جیاواز ل ههوه یا ههی هیڤیدارم ههول بدهن د من بگههن و من
بنیاســـن .
ئهز ژی وهك ههوه و
ههر مروڤهکێ دن ، ب سهربووران دێ فێر بم رهنگه بوو ههوه نه
گهلهك هێســان بیت لێ ههول بدهن ل دیف تایێ من وهرن دا باشتر دمن
بگههن .
د یاریا و مژیلاهیێن
من سنوور و ئاستهنگا نه ئێخنه بهریکامن ، ههمی گاڤا و ل ههمی دهران
ههول نهدهن کو چاڤدێریا من بکهن ب مهرهما پاراستنێ ، بهێلن دا ئهز
بخوو ئهنجامێن کارێن خوو ببینم ب ڤی شێوهی دێ باشتر فێر بم و وانا
لێ وهرگرم . رهنگه ئهز ژی جار جار سهردابچم ، گهر ئهز بخوو ئهنجامێن
کار و رهفتارێن خوو نهبینم و نه ههلسهنگینم ، دێ چاوا ههســت ب
مهزن بوونێ کهم . ههر چهند ئهز حهز بکهم ژی مهزن ببم ، لێ جار
جار ژ تهمهنێ خوو بچیکتر رهنگه رهفتاران بکهم ، بلا ئهڤ کاره
ههوه گهله ك نیگهران نهکهن ، و تکایه من نه نازینن . . چاغێ
هون بهردهوام من بنازینن . . ئهز ژی بهردهوام د ناڤ بازنا تهنگا
زاروکینیێ دمینم و ناخازم مهزن ببم . ئهز دزانم ههر تشتێ ئهز بخازم
ناهێته دابین کرن لێ گهر هون بومن بهرههڤ بکهن ئهز ژی نابێژم نهخێر
و وهردگرم ، لێ چ جاران ســوزێن هون گهر نکارن ب جهـ بینن نهدهن ،
جاغێ هون سوز بدهن و ب جهـ نهئینن ، رهنگه باوهریا من بههوه
ســســت و لاوازبکهت
.
چ جارا ل
دســپلین و بڕیارێن خوو بهرانبهر من لێڤه نهبن ، ههر دهمێ ههوه
ههست پێ کر کوو من سهرپێچیهك کر یان ل رێکێ لادا من هشــیار کهنهڤه
، ههمی سنوور و قهدهغهیێن هوون بوو من دادنن ، نهشێم بێژم ههمی ب
دلێ منن لێ دهمێ چ ســنوور ژی نهبن ل ههمی کار و رهفتاران
سهربهست بم ئه و ژی دوو دلیهکێ بومن پهیدا دکهت و چاغێ ئهز ههست
پێ بکهم کو هوون نه درژدن لســهر ههلسوکهوتێن خوو بهرانبهر بمن
، ڕێك لمن بهرزه دبن دوو دل دبم و یاڕاستی لڤان ڕهوشان ژی ههول
ددهم ســـوودمهند ببم. ههول بدهن گوهدارییا من بکهن ، باشــترین
دهلیڤێن فێربوونا من ئهو دهمن وهختێ ئهز پســـیاران ل ههوه
دکهم ، ل بهرســڤێن ههوه یێن کورت و ئاســان ئهز پتر سوودمهند
دبم ، ل ئامۆژگاری و شــیرهتان زێدهتر رهوشت و رهفتارێن ههوه کار
لمن دکهن و بوو من دبنه ئهزموون . د دهمێ ئامۆژگارییان و
پهروهردهکرنێ رهنگه هوون ژی جار جاران شـاشـیان بکهن . . . ئهز
ڤان تشــتا زوو ژبیر دکهم ، لێ هوون بهرانبهر یهك و دوو وهك دایك
و باب چاغێ ڤیان و ڕێز کێم و لاواز دبه ، من گهلهك بریندار و
شـــه پرزه دکهت .
ئاخفتن و ئامۆژگاریان ب
دهنگێ بلند نهکهن ، چونکی هندی دهنگێ خوو بلندتر لێ بکهن
من کێمتر گوهلێ لبیت و
ئهز نابیســتم . . . شیرهتێن ب بڕیار و ب دهنگهکێ نزم پتر کار
لمن دکهن و ئهز باشتر
پهیڕهوو دکهم . ئامۆژگاریێن میـنا (( وهختێ ئهز ل تهمهنێ
ته بووم )) ئهز یێ هوســا بووم . . من هوو دکر . . . ڤان جووره
ئامؤژگارییان ب پشــت گوهێ
خووڤه دهاڤێژم و ب جدی
وهرناگرم . دهمێ ئهز شاشیهك بچوك بکهم وهك گونهههك مهزن نه
ئیننه بهر چاڤێن من سهخهرکا من نه بهنهڤه ، ب ترساندنێ من دهخســی
نهکهن ، شــیماتیێن من وهك زاروکهك رهفتار خراب نه بین ، گهر
من شاشییهك کر ههل بدهن من راست کهنهڤه ، بهری من ســزا بدهن
ههول بدهن گوهدارییا من بکهن ، و سزایێن وه بلا گهلهك ژ
شــاشـیێن من ئهنجام دایین مهزنتر نهبن ، ههول بدهن دادپهروهر
بن . ئهز ژی ســزایێن بهرانبهر شاشیێن خوو قهبوول دکهم و رازی دبم
. ل هیڤییا ئهنجام دانا کارێن ژ شــیانێن من مهزنتر لمن نهبن لێ بهێلن
کارێن د شیانێن خوو ژی دا ئهنجام بدهم .
بوو سهرکهفتنێ هاریکارییا
من بکهن ههر چ نهبیت خهبات و ماندی بوونێن من ب ئهرێنی ههلبســهنگینن
، و ههول بدهن کوو ئهز ههســت پێ بکهم کوو باوهرییا ههوه بمن
دهێت .
من ل گهل چ کهسێن دهورو
بهران بهراوورد نهکهن بومیناك (( کورێ فلان کاسی هوســا و کورێ
بێڤان کهسی هوســا )) ئهڤ کارێن هوســا من گهلهك بێ ئومێد
دکهت و باوهرییا من ب من کێم دکهت . ل هیڤییا رهفتارێن ژ تهمهنێ
من مهزن تر ل من نهبن ، ول هیڤیێ نهبن کو ئهز ههمی شیرهت و
رهوشت و تیتالان ب جارهکێ فیر بم و بکار بینم ، دهلیڤێ بدهنه من ،
بێهن فرههـ بن من ب سـزایان و گهف و گووران نهترســینن . پاشــی دێ
ناچار بم هه وارا خوو بهمه بهر درهوان داخوو ل ســزایان قورتالکهم
، ئهگهر جارهکێ ههوه گهلهك عێجز ژی بکهم بێهن فرههییا خوو ل
دهست نهدهن . . . رهنگه ئهز گهلهك
جاران تووڕه بوونا ههوه
ب ڕهوا بزانم لێ ل گهل هندێ ســهخهرکا من نهبهنهڤه و ب چاڤهکێ
ســڤك لمن مێزه نهکهن و ب تایبهتی ل جهم خهلکێ بییانی کهسـایهتییا
من نهشکێنن ، ژ بیر نهکهن کو ئهز ژی رهنگه ل دهف بییانییاههوه
ب دهمه شهرمێ .
گهر جارهکێ ههوه ههســت
پێ کر کوو ههوه نهحهقی بهرانبهر بمن کر ، ل دان پێدانێ
نهڕهڤن . . . وهختێ
هوون داخازا لێ بوورینێ لمن بکهن ، ل بهر چاڤێن من گهلهك مهزنتر
لێ دهێن و ڤیانا من بهرانبهر ههوه کێم ناکهت بهلکی پتر لێ دهێت .
چ جاران خوو وهسا دیار
نهکهن کوو هون چ جاران شاشییان ناکهن و سهرداناچن ، چونکی چاغێ من
شاشیهکا وه دیت عێجزی و دلتهنگییا من گهلهك مهزنتر دبیت .
ئهز دزانم کوو جار
جاران ههوه عێجز دکهم و هیڤی و ههستێن ههوه بریندار دکهم ، و ئهز
دزانم کوو ئهو تشتێن هوون ددهنه من گهلهك گهلهك زێدهترن ژ وان
یێن کوو هون ژ من دخازن . ئهڤ تشــتێن من بوو ههوه نڤیســی. . . ئهگهر
گهلهك بن ، ئامادهمه چاڤ پووشیێ ل گهلهك ژوانا بکهم ، تهنێ
گهر هووین (( من و هك ئهز بنیاســـن و دان پێ دابنێن ))
ئهگهر هوون داخازا زاروکهکێ نموونهیی لمن نهکهن . . . ئهز ژی چ
جاران دایك و بابینییهکا بێ قســـوور و کێم کاسی ژ ههوه ناخازم .
تهنێ پر ڤییان و تێگههشــتنا
ههوه لمن بوو من بهســــه . ل داویێ . . . . (( وهك زاروکێ ههوه
هاتنا من بوو ڤێ دنیایێ نه ب دهســـتێ من بوو . . . لێ ئهگهر ب دهســتێ
من با ژ ههوه پێڤهتر من نهدڤییا ببمه زاروکێ کهسهکێ دن . . . د
هێمه دهســتێ ههوه و شـــانازییێ ب ههوه دکهم ))
خوشــتڤیێ ههوه . کورێ وه . | 