|
ن:كوڤان ئیحسان یاسین
ئهرهدنا
ئانكو بههشتا عهدهنى ههروهكى دژێدهرێن
ناڤێ ڤى گوندى دا هاتین, ئهرهدنا ئێك ژگوندێن
جوان وسهرنج راكێشه, ودكهڤیته ناڤهندا چیایێ
مهتینى, ئێك ژشینوارێن گرنگێن ئهرهدنا شكهفتا
قهلایێ یه, ئهوا دهڤیته روژئاڤایێ ئهرهدنا,
ب دیراتیا
150 م ژگوندى, وپشتى جادا
ترومبێلا گههشتیه گوندى مروڤ دشێت بو ماوێ 20
خولهكا ب پێیا بسهركهڤیت وبگههیته سهر
شینوارێت شكهفتێ, دهرگههێ شكهفتێ دكهڤیته
لایێ باكورێ روژههلاتى. ویێ رێك وپێك نینه
چونكه شكهفت بخو یا سروشتى یه,
ئێكهم تشت دهمێ مروڤ دبینیت كلیسكێن دهرگههى
نه وهاتینه ههلكولان ژبو دائێخستنا دهرگههى ل
سهرى, ول خارێ ژبو لڤاندنا دهرگههى, بلنداهیا
دهرگههى 2 م, دهمێ مروڤ دچیته ژور ل بهرامبهر
دهرگههى ژلایێ دهستێ راستى جورنیكهكا (خزان)
ئاڤێ بشێوازهكێ بازنهیى ژ بهر و گێچا هاتیه
دروست كرن, درێژاهیا وى
2 م و 1.5م یا كیره,
وشكهفت بشێوازهكێ گشتى 15م یا درێژه و12م یا
فرههیه, وجویهكا درێژ ژسهروكانیا ئهرهدنا بهرهف
ڤێ جورنێكى ڤه ئینایه, ب دیراتیا 2كم, ودبێژنه
ڤێ جویێ (جویا فرهنگى) وتا نوكه شینوارێن وێ ل
گهلهك جها ددیارن هاتیه كولان دكهڤرا را و ل
هندهك جها ب (بهر و كلس)ا هاتیه دروستكرن,
دناڤا شكهفتێ دا شینوارێن سێ دیوارا ددیارن,
دیوارێ ژدهرڤه كو براستى جهێ سهرسورمانێ یه ژبهرێ
بازى یێ رێك وپێك وگێچێ هاتیه دروستكرن, بلنداهیا
وى 5م وفرههیا وى 1.5م ودرێژاهیا وى 9م ودیوارێ
دوویێ ب تنێ چهند بهرهك ل سهر ددیارن, پاشى
دیوارێ سیێ دهێت شینوارێن ژورهكا چوارلایى ل سهر
ددیارن, وپشتى هندهك كهسا ئهف
جهه ڤهكولاى سێ گور تێدا هاتبونه دیتن
وچهندین ههستیكێن مروڤا هاتبونه دیتن, لێ مخابن
چ گرنگى پێ نه هاتبونه دان, بو لایێ روژههلاتێ
شكهفتێ ڤهكولینهكا نوى هاتیه كرن وشینوارێن
چوار پهییسكا هاتیه دیتن كودكهڤیته دناڤبهرا
دیوارێ ژدهرڤه ودیوارێ دوویێ, وب بهرێن رێك
وپێك هاتینه دروستكرن, درێژاهیا وان بهرا 75سم
وفرههیا وان
20 سم, ئهڤهژى وێ چهندێ
دگههینیت كو ئهف جهه بهرستگهه بو وژدوو نهوما
پێك هاتیه, دیسان هێمایهكێ سهیر هاتیه دیتن ل
سهر شكهفتێ
ههمان هێما ل سهر بهرێن وان پهییسكا
هاتیه دیتن, وژڤێ چهندێ بیرا مه ل شێوازێ
بیناسازیا (ئورارتى) دئینیت كو ئهف جهه
پهرستگهه بو, لێ مخابن چ پێزانینێن دیا ل سهر
نه گههشتنه بهر دهستێ مه, لێ ب ههبونا گورا
وپهییسكا ژبو چونا ژناف دا وشێوازێ سێ لایى هزرێ
بهرهف هندێ ڤه دبهت رهنگه كریستیانیا ئهف
جهه ب كارئینا بیت, وهكى ئهم دزانین كو ئهف دهڤهره
ب تایبهت گوندێ ئهرهدنا دهڤهرهكا سهرهكى
بو بو ئایینێ مهسیحى ویا دیاره كو ئهف شكهفته
یا توشى دیاردهیهكا سروشتى بوى ژبهر هندێ باهرا
پتر ژ شكهفتێ یا ههرفتى ویا پێتڤى ڤهكولین
وسهخبێرى كرنێ یه.
ژێدهر:
1-عبدالله دروێش ومستهفا عهبدولرهحمان ئهرهدنى:
ئهرهدنا, چاپخانا كاروان, ههولێر 2007.
2-دیدارهكدگهلرهوشهنبیر(مستهفا عهبدولرهحمانكوخهلكى
كوندێ ئهرهدنایه ولسهرسنكێ دژیت).
|
