|
كوڤان
ئحسان یاسین
ئهڤه دهمهك بو ماموستا( رزگار كێستهى) دهنگ
وباسێن ههبونا شینوارهكێ نهراگههاندى ل
دهڤهرا بهرواریا وگوندى ئافساركێ ژ مه
راگههاندى كو ههڤال( حهكیم بێتكارى) ئهف
پێزانینه دابویێ كو ههر چ نهبیت بهێته بهلاڤ
كرن وتوماركرن وببیته ژێدهرهكێ زانستى بو
ڤهكولینێن بهێت.
روژ14/12/2009 دهمژمێر سیێ پشتى نیڤرویه مه
تیمهكا تایبهت بو ڤێ مهرهمێ دروست كر وبریار
ئهوبو رێڤهبهرێ ناحیێ دگهل مه دا بهێت لێ
ژبهر كارهكێ فهر ئهو نهشیا بهێت ئهفجا تیما
مه ژڤان كهسا پێك هاتبو (نهقیبێ مافپهروهر
دارا جهمال،جهمیل محهمهد شێخو_رێبهر،زێرهڤان
ئهحمهد ،كوڤان ئحسان) وپشتى ئهم 40 خولهكا
بترومبێلێ چووین ئهم گههشتینه گوندێ ئافساركێ
ومه كارێ كر وئهم بسهركهفتین ونزیكى 45خولهكا
بپیا ئهم گههشتینه سهر شینوارێن شیرستانێ
،ههر چاوا بیت مه ئهو شینوار دیتن ولمه بو
تارى وبارانهكا دژوار لسهرێ مه هات تا ئهم
بوینه ئافلیسك ومه كارێ خو وهكى پێتڤى نهكر
بهلكى ژبهر بارودوخێ ئاسائیشى وتوركا!!!ئهم
نهگههشتین كارێ وێنهكرنێ وپیڤهرا دروست
وهربگرین دیسان دڤیا فلاشێ كامیرا مه كارنهكربا
چونكو دا ترك مه بینن ومه توبارانكهن!!!ژ بهر
ڤێ چهندێ ئهم زڤرین بتارى ودرێكێدا ههڤالهكێ
مه لایتهك ههلكر دا لناف ولاتێ خودا روناهیێ
بخو دروست كهت !!!مه ههرسێكا پێكڤه لێ كره
ههوار ومه گوتێ بڤهمرینه!!،وهوسا بڤێ دارێ وا
ههنێ بكهڤه ول ڤێرێ ووێراههنێ بئهردى بكهڤه
كو بتنێ دێ لاپهرهكێ زانستى لسهر دیروكا ولاتێ
خو نڤێسى !!و هوسا تا ئهم گههشتینه سهر جادێ
خوشبهختانه ئهم ههمى بسلامهت بوین!!.
ناڤێ شیرستانێ:ل روژههلاتا ناڤهراست ئهف تێرمه
گهلهك جارا دكهڤیته بهر چاڤێن مه وگوهێت مه
ئاگهه ژێ دبیت ودبنهكوكا خودا ئهف ناڤه ژ
(شههر +ستان) و شههر برامانا شار دزمانێن ئارێن
كهڤندا هاتیه و ستان بمهرهما جه یان ههرێم
دهێت وهكى(كوردستان پاكستان
وئهفغانستان......هتد) ،دژێرێن ئاشوریێن كهڤندا
هاتیه وبتایبهت لسهردهمێ ئاشور پانیبالى
پهیڤا(شههربازار) هاتیه دیاره كو ئهف پهیڤه
دگوتنه باژارێن ئیرانى لسهدا حهفتێ بهرى زاینێ
دیاره ئهف دهڤهره جههكێ مهزن بو دسهردهمێ
دهستههلاتا ئیرانیا (ئهخمینى وساسانى )دیسان بو
سهلماندنا شیرستانێ ههبونا كاڤله گوندهكێ
مهزن لباشورێ روژئاڤایا شیرستانێ.
شینوارێن شیرستانێ:دیاره تا ئهڤرو چ ڤهكولینێن
نڤێسى لسهر ڤى جهى نههاتینه كرن
وبتنێ ژێدهرێن مه دێ ئهو شینوارێن ماددى
بن ئهڤێن ماین ژبلى ڤهگوهاستنا دهڤوكى كو چهند
جوامێرهكا چهند پێزانین گههاندى نه مه ،پشتى
مروڤ بسهر چیاى دكهڤیت ولمێرگهكا مهزن
ژێدهرهكێ ئاڤێ ههیه كو بیرهكا حهفت مهتر
كویره و دبێژنێ بیرا شیرستانێ دیاره ئهف بیره
لڤان دوماهیا هاتیه پاقژ كرن ،لدور ئاخفتنێن (عزت
قاسم ئافساركى) ئهف جهه جهێ زوما وان بو و وان
پهزێ خو لێ چهراند وحهوین دكر و لدهمێ
پاقژكرنا بیرێ كومهكا ئامانێن بهرى وئاخێ
هاتینه دیتن بهلێ مخابن چ ژێ نهماینه ههر
چهنده دبێژن وێنه ونڤێسین لسهر ههبوون.
بدیراتیا پتر ژ سهد مهترا بو لایێ روژههلاتا
بیرا شێرستانێ دێرا شێرستانێ ههیه كو ئاڤاهیهكێ
لاكێشهى یه ببهرێن مهزنێن رێك وپێك هاتیه
دروست كرن كو دراستیا خودا وهكى بهرێن
ئههرامانه (بتنێ ئهم گههشتین پیڤهرێن ئیكى
وهربگرین درێژاهیا وى 1،5مهتره وفرههیا وى
75سهنتیمهتره )و چهند رێزه بهرهك ژێ ماینه
،لایهنێ دهرگههى دكهڤیتهباكورێ روژههلاتى
براستى دهرگهههكێ برێك وپێكه بلنداهیا ژێ ماى
80سم وفرههیا وى 75سم و پشك دبیته سهر دوو ژورا
ژورا روژههلاتى قهبارێ وێ4×5 م پهنجهركا وێ
دكهڤیته روژههلاتى و فرههیا وێ 60 سم ژێ
ماینه ،ل پشكا دوویێ چ ژێ نهمایه بتنێ ئهو
زهبلهحه بهر نهبن ئهڤێن كهتینه سهر ئێك و
دیاره وهكى گهلهك جها هزرا خزینا یا ههى
!!!دهست درێژیهك هاتیه كرن لسهر ژورا
روژههلاتى.
دوو ئهفسانه و دوو خولیسهرى: دیاره باهرا پتر
ژ شینوارێن مه ئهفسانه پێڤه هاتینه دروست كرن
و ئهڤان ئهفسانا گهلهك شینوار ژ ناف برینه
،لێ ههر چاوابن پشكهكن ژ زانستى وپێتڤیه بهێنه
نڤێسین ،ئهف ئهفسانه ژ زار دهڤێ بیرهژنهكا
مهسیحى لدهڤهرا چیایێ مهقلوبى هاتینه
ڤهگوهاستن كو دبنهكوكا خودا خهلكا وێ دهڤهرێ
یه یا ئێكێ ههبونا دوو خزینا ودهێته
گوتن(بهرهك ههیه وهكى ههسپا خزینا دنافبهرا
ههر دوو دهستا!!!!) دیسان بهحسێ شوین پێ
ههسپهكى دهێته كرن دیاره تامهكا ئهفسانهیێ
تێدا ههیه چونكو ئهگهر ئهم بهرێ خو بدهینه
جهێ پیروزێ دێرێ كو ب چ ژڤان كارا نا چیت دیسان
دیاره هند دێرهكا زهنگین نهبویه كو خزینه
تێدا ههبن ئهگهر نه دایا مهزن بیت ودناف وان
دارێن مهزن دا نهدهاته ئاڤاكرن كو ستویراتیا
گهلهك ژوان دارا پتره ژ 50سم ،یا دوویێ دبێژن
دێرا شیرستانێ بلولهكێ یان زنجیرهكێ دهاته
گرێدان دگهل كومهكا گوندا بگره ژ مهلبندا
وداندركێ و مێرگێن خهموى وهارى وبێرنیێ و دهمێ
زهنگلا دێرێ دهاته لێدان وان گوندا ئاگهه ژێ
دبوو!!!رهنگه ئهف ئهفسانا دروست بیت و گهلهك
نه دویره ژ زانستى.
ژێدهر:
1_سهرهدانهكا مهیدانى ل 14/12/2009 بو سهر
شینوارێن شێرستانێ.
2_چهند دیدارهكێن جودا دگهل ههر ئێك ژ(عزت
قاسم ئافساركى ژیێ وى 58 سالن و لسهرسنكێ
دژیت)و(حهكیم بێتكارى ژیێ وى 37 سالن ولدهوكێ
دژیت)و(محهمهد بێتكارى ژیێ وى 78 سالن و لدهوكێ
دژیتن).
|
